端午節假

不經不覺, 第200個post了。
今日放端午節假, 好難得星期四可以放假, 真開心。
提早起身, 同好友tea聚, 新城市的Tutto by Habitu, 食物同服務都唔得, 無下次。
傾完一大餐, 散, 一個人行左陣, 好耐無行過書局, 好開心, 仲有好多無聊地方, 即使係一陣, 都開心。夜晚約左久違了的人晚飯, 感覺尚可, 可惜最後都係不歡而散, 得出0既結論係, 不如不見。
自問EQ已提升, 不過都係搞唔掂……好彩已經唔會為此而大動肝火。
回家搞下呢樣0個樣, 再睇陣電視上下網, 又半夜, 過多陣都要sleep喇,因為煩忙的星期五又來臨。
最近有好多野諗, 人, 事, 好多好多, 有幾條白頭髮啊, 可能因為咁。
真係肥左好多, 一定要控制, 已經過左可以賴baby fat的年代好耐, 加油!

留低幾隻字

唔知咩事~影相影左好耐~
搞到成個schedule遲晒……fuck~~真係唔開心。而家仲0係公司, 不過努力多陣就走喇~等緊個網頁load出黎, 悶悶地留低幾隻字先。聽日有假放, yeah! ^^
剛才傾左陣電話, 我阿哥周圍同人講我肥左, 仲要係撞見都講~頂~~~
好開心, 最近通常記得放低幾隻字。^^
放假放假, yeah!

打邊爐夜

可能愈來愈覺得自己記性唔好, 趁唔係最忙的日子, 記得一句得一句。
今日同事邀約去打邊爐, 佢男友工幹 我又無咩做, gogogo, 最後跟車的同事一齊去, 三人行打邊爐, 感覺尚算ok。食到好飽呢~~~好懷念, 原來好耐無同過同事有office hour以外的聚會, 自從一眾朋友走了, 只剩幾個朋友在公司, 各自忙, 返工, 就係返工。
心情有時好忐忑, 我要堅持啊~~~好彩忙碌的工作可以霸佔諗野既時間。
上星期工作發生左小插曲,令我發現自己EQ原來不知不覺提升左,haha~ 諗番轉頭加上discuss過後, 個個都認為以我0既為人, 加上同事的無禮貌程度, 係足以我以上司身份"fuck"佢, 不過我竟然無"fuck", 事後諗番真係唔抵, 不過又為著自己0既"大方"而覺得自己好有家教~haha~我明白, 人地無禮貌、推卸責任,唔代表我都咁對番人,要講道理。最後一次機會, 再唔聽, 佢死緊, 我太仁慈喇, hehe!
去訓喇~落親雨都要d時間培養情緒訓覺, 唔鍾意, 快d停雨啦(雖然我的某個好友好鍾意雨天>_<)
星期四應該有假放, Yeah!

幾時停雨？

重過新生, 感覺尚可。老竇返左大陸, 好悶啊~
工作過後, 返到屋企再開始煲電視生活。今日主力煲《長腿叔叔》,睇到第16集喇,本來想睇木村新日劇Mr.Brian, 諗諗下都係聽日先~本來想早訓, 都係忍唔住,好想hea~一陣睇多集先。
成日都落雨, 幾時停？我唔鍾意雨天。快快睇多集去休息。明天再努力, 為星期四假期而努力。^^

唔想用腦

今日, 本來想去整下個亂頭, 不過晏左起身, 夜晚又要造節, 所以都係無整。
繼而終於的起心肝將夏天衫拎出黎, 咁又一季, 時間過得好快。
好驚, 明明我向來對台式偶像導劇無咩感覺，但我竟然開始左集集追台劇嘅習慣。
令我呢幾個月逢星期日半夜都要追嘅係《敗犬女王》, 我唔識講點講要追。
只可以話, 最唔想用腦嘅時候, 除左可以聽我最鍾意嘅收音機, 就係睇無複雜情節,
唔使用腦去分析嘅綜合節目或劇集、笑片, 自從睇左《敗》, 就一直追喇,
可能因為阮經天真係幾ok, 而且鍾意《敗》嘅寫實, 亦唔似一般偶像劇咁誇張,荒謬。
不過諗真d, 世上邊有咁好嘅男人…係兩個, 邊有兩個咁好嘅男人……
睇多陣電視就去訓喇, 培養情緒去迎接最唔鍾意嘅星期一。

40集

今日心情唔太好~靜一靜就OK了。
本來想睇套戲relax, 不過想睇的戲都比較serious,
想輕鬆d. 最後我download左40集《長腿叔叔》,
好懷念~以前好鍾意睇的卡通, 令人睇得開心又會反省的卡通。
繼續睇~眼訓就訓~
放假係應該hea嘅。^^

人生苦短

好 想好好研究一下新買0既相機, 總係無時間咁做, 其實我都幾鍾意影相, 要下定決心研究下, 唔好浪費。 好討厭時下有d人為潮流而買單反相機, 我同意單反影出黎0既相係靚, 不過唔鍾意d人明顯係為跟潮流而買, 自己根本無影相sense、無審美眼光, camera係functional既, 並唔係accessory.>_< 我懶拎大機, 鍾意日日袋相機, 所以單反遠離我啦~~~

今日做左個好重要0既決定, 今次講堅的, 唔想再拖, 好煩, 好唔開心, 加油~

頭 先再傾起離世0既中學同學，心又up一up, 好奇怪。 好多人都會去佢追悼會, 我太唔熟喇, 去反而好似仲奇怪, 講下講下, 我就諗, 其實我真係唔想死住, 好多野未做、好多恩未報、好多福未享,haha。最緊要係我好似未知咩係幸福，而家生活得ok、四肢健全其實已經好幸福，不過仲係好似欠d乜咁, 可能我太貪心。
如 果真係突然間唔0係度, 我希望靈堂會播輕快d0既歌, bossa nova或sweet情歌都好, 有紫色玫瑰、毋忘我、有吉狗、Pekkle鴨、有零食、有牙線、收音機、有家人朋友0既相、有雜誌、如果每年黎探我, 我想食兩溝、海鮮、馬仔、蜜糖、Kinder、夏天要有雪糕、冬天有和牛,haha。

人生苦短, 但願每個愛我或我愛0既人都幸福快樂。

勞動節假?

五一勞動節公眾假期, 我都係0係公司渡過.原本有可能放到假0既, 不過星期三去左澳門影野, 訓左一晚, 就好似好唔夠時間用咁。 不過都係一個好0既經驗, MGM比我想像中靚, 而且花左1個鍾左右去賭場, 竟然都執到幾舊水, OK啦. 黎緊星期一放no paid leave, 都叫做有3日假啦, so good。

香港終於有豬流感, 一早預左, 希望今次唔會好似03年sars0個陣咁灰, 諗起0個年, 0岩0岩出黎做野, 真係好灰。 幾時需要戴口罩呢？其實好麻煩, 希望唔使戴。

昨日睇facebook得知有個中學同學0係睡夢中離開左, 好婉惜。其實我同佢好唔熟, 未同過一班, 係朋友的朋友, 見到會say hi0個種同學關係, 而且畢業之後就無見過喇。印象中0中既佢好乖, 斯文, 好少是非, 應該係好人一個。之前0係facebook見到佢結婚、生仔0既相, 估佢係一個幸福小女人。雖然唔知咩事, 據了解係心臟病, BB同老公一定好傷心……BB可能長大先知, 但老公突然要接受咁殘酷0既事實, 應該有幾傷心呢？真係唔知。 雖然我唔識佢, 都希望佢振作。 嗯, 係有D諳言, 人生無常, 唔知有咩人會突然0係身邊消失。一諗起呢點, 有D心痛。

工作, 如常地忙, 不過都順OK。 同同事偶爾有磨擦亦少不了, 鬼叫我係討厭0既處女座, 同埋的確信，有要求至唔會令自己後悔。 不過去到而家呢種崗位最麻煩, 明明唔係好大粒, 但因為已經做左一段時間, 唔再係0靚, 合作0既伙伴唔會當你係新人咁對你好, 而且又覺得你已經係阿姐, 講野要小心(其實仲係小角色), 後輩又會對你有忌諱, 上司又會對你有更高要求, 朋友愈來愈少, 有時0係公司感覺都幾寂寞。 做左幾年野, 而家好多人都年輕過自己, 唔知點解新一代年輕戀係無咩禮貌, 好麻煩, 最近句有個係無禮貌到離譜兼雙面人到痴線, 根本無機會認識呢個人, 唔知自己有無誤會, 我只知, 再忍多陣, 當我EQ已認受唔到, 佢就大鑊, 我一定開火。

講開公司, 最近電腦終於可以聽radio, 真係好。 因為我好鍾意聽radio架, 0係屋企一定要開住, 或者我個人太寂寞掛……0係公司都愈來愈寂寞, 從有的朋友一個又一個走晒, 我都習慣喇。 本來仲有個ok的, 最近都好少溝通。 唔知點講, 好多人講過佢壞話, 我以前都會過濾下，畢竟認識左幾年, 應該係話出黎工作已識, 點都會有份感情, 況且佢對我唔差, 久唔久仲可能會傾d深入d0既話題, 唔係only hi-bye fd, 都算係fd架。不過愈睇愈唔對路, 點解唔同晒呢~~ 無人係聖人, 我明, 男人都係咸濕, 又鍾意後生, 我明, 但點解係咁樣揀0既呢？ 婚外情都算喇, 點解好似揀極都係d世人對呢條女負面評價到爆日0既女呢？真係好R頭。我都唔知, 有D失望, 雖然只係一知半解, 只係諗, 可能係我一廂情願當佢係朋友啦, 如果真係朋友, 見到佢錯真係好想fuck佢架……算啦, 唔關我事。

訓喇, 又天光, good night。