打邊爐夜

可能愈來愈覺得自己記性唔好, 趁唔係最忙的日子, 記得一句得一句。
今日同事邀約去打邊爐, 佢男友工幹 我又無咩做, gogogo, 最後跟車的同事一齊去, 三人行打邊爐, 感覺尚算ok。食到好飽呢~~~好懷念, 原來好耐無同過同事有office hour以外的聚會, 自從一眾朋友走了, 只剩幾個朋友在公司, 各自忙, 返工, 就係返工。
心情有時好忐忑, 我要堅持啊~~~好彩忙碌的工作可以霸佔諗野既時間。
上星期工作發生左小插曲,令我發現自己EQ原來不知不覺提升左,haha~ 諗番轉頭加上discuss過後, 個個都認為以我0既為人, 加上同事的無禮貌程度, 係足以我以上司身份"fuck"佢, 不過我竟然無"fuck", 事後諗番真係唔抵, 不過又為著自己0既"大方"而覺得自己好有家教~haha~我明白, 人地無禮貌、推卸責任,唔代表我都咁對番人,要講道理。最後一次機會, 再唔聽, 佢死緊, 我太仁慈喇, hehe!
去訓喇~落親雨都要d時間培養情緒訓覺, 唔鍾意, 快d停雨啦(雖然我的某個好友好鍾意雨天>_<)
星期四應該有假放, Yeah!