Smooth

好可怕, 竟然咁耐係update過個blog, 到底我係唔係真係咁忙？又好似唔係.
09年喇, 先有中學同學做1月新娘, 上個月再有認識左差唔多6年, 但仍未見過面的好友結婚, 未見過點會係好友？唔知點講, 總之我覺得係, 誠心祝福2位. ^^
身邊既人1個又1個結婚, 好彩我未驚, 甚至係唔想結, 懶得諗, 好麻煩啊真係。向來唔鍾意台星(除左n年前鍾意既張信哲,而家都好鍾意既陳綺貞、David Tao, 因為我唔當佢地係星, 係gd singer至真)既我,突然追看台劇《敗犬女王》，故事講女主角33歲未結婚好驚,後來又同25歲男主角搭上,又驚人地細過佢.................... 自己到左33歲未婚會唔會驚呢？本來以為會,但又好似唔會喎,唔知啊,轉話題。
呢幾個月, 所有野都好似好正常咁, 係08年尾10月及12月都去過日本做野, 黎緊3月中又要向東京出發, 其實我想去下北海道呢~~~ 工作工作工作, 如常, 同事既流動開始stable, 但唔知咩事工作量好似無少到喎,好奇怪。以前, 因為供樓,唔敢郁呢, 而家, 經濟咁差,郁到咩？以前成日話想走, 最後都走唔成, 係唔係自己0既問題呢？唔知, 不過講真,而家老細識得諒解, 同佢合作smooth得多了, 人會變,實在太好。
語無倫次左一篇文章,再去relax下先. 加油加油!!我要努力!!!