PIG 

太冷﹗

因為太凍，我沖0左個好暖但係好長時間0既涼，因為沖呢個涼，我忘記0左因為太凍而叉緊電0既電暖袋……就係咁個電暖袋熱得滯爆0左，嗚嗚，化為水袋……個電暖袋係上年冬又家姐送0既，係假hello mimi，不過個樣比起早幾年上大陸做project時見到0個d&0係廟街見0個d靚仔好多，之前唔敢用，直至上年家姐極力推介兼送一個，逢15度或以下必攬實，幾十蚊，warm﹗而家冇啦……

估唔到今日十二點幾可以走人，不過，走得唔安落，我知我星期五0既舉動"有型得滯"喇，我0既乞人憎程度又增加喇，無眼神接觸、無交流，原來比對峙更可怕……點算？

最近一有時間就會開草猛concert睇，當其實細個都鍾意過下佢0地，雖然好似鐘意達明多D，不過0係冇乜錢0既情況下都買過佢0地LONELY隻CD，當日堅持唔買飛睇佢0地鹹魚翻生個唱，一來唔想俾錢，二來唔想無啦啦"NEW"起有太多回憶，0個年一個世界會變得很美MINI CONCERT對我影響好大，好記得係牛奶公司搞0既，家姐送0左十幾張免費飛俾我，0個日我係著白色恤衫，同埋定陣無可能再著0既淺藍503。0個年0既原諒我是我，同樣震撼……家陣0係屋企睇，都可以好精彩，見住同事0係熱力節拍Wou Bom Ba 0個PART企0係度又搖又FING，如果當日0係現場，我應該唔會睇得咁開心。有D位原來可以幾感動，今次佢0地3個0既SOLO機會FAIR 0左好多，唔再好似以前咁一面們蔡一傑，不過老實講，由始至終我都覺得佢係最靚仔最唱得最跳得0個個，應該好多人都咁諗0掛，可惜，佢好似鍾意男人。一直好鐘意失樂園，由愛男人0既WYMAN寫俾愛男人0既蔡一傑唱，所以結果都係佢唱得最有感情，最後一句「為戀愛平反…」，有弦外之音吧﹗對一個人愛錯，都係聽到想暈0既，為什麼　沒什麼　只因每次　付出比得到更加多……係啊，人生就係咁0架啦。
唔知第二朝一覺醒來，運氣會唔會好D呢。GOOD LUCK!

蕃薯片

等0左好耐，最愛最愛0既蕃薯片終於再生，不過以前細個0個陣2蚊左右買到，家陣要成6蚊包，好貴﹗
寫稿中，黑暗0既星期1又來臨了，加上我星期50既大膽舉到，好似有種恐懼感，諗起返工就怕怕。呢2日每日都訓成10個鐘或以上，訓得太好，會顯得0黎緊個星期更慘，新年要放假，要做好多準備。黑暗1周start﹗

出糧喇﹗

我鐘意捉住佢隻手。^^
0黎自九龍城0既熱腐竹蛋糖水，好味﹗
連續2星期打邊爐，因為以前食0黎食寺0個幾間，上星期試過呢間發現ok喎，忍唔住再0黎。平日太苦，假日要對自己好d，唯有食好d。
終於睇0左上星期買0既碟，都ok，不過睇完會提醒自己又會幾婉惜，因為做戲至可以再0黎一次，從來人生只可以一take過。
家姐送0既不倒翁廁紙筒，雖然唔係堅0野，不過cute喎，我鐘意。
新買0既鴨仔匙套，水汪汪眼超cute，分0左2個俾2位大佬，想補貨，好可惜第2日已沽清。
沙田0既超美味蛋撻，一次起碼要食2個。

本身睇電視係一件好relax0既事，就算寫緊稿時抬頭望下都開心，但係呢排最大折磨係經常睇到吳卓羲個《愛瑪士小姐》MV，如果有麻醉槍，真係好想"啡"佢對腳，等佢唔好再跳埋D姣舞，特別係唔想聽到佢0個句「YOU LOOK SO HIGH……」，HELP~~~﹗其實唔覺得佢樣衰0既，但係唔討好囉，仲話開MINI CONCERT……真係好難說服自己別怪他。

新年就到，今年應該有4日假放，算係咁啦，不過估計0黎緊都係做到PK0架喇，我呢部機器好似愈0黎愈冇動力喇，唔想咁，不過，可以點。加油加油。今日發了糧單，終於出0左bonus喇，無我想像中咁少，不過最好多d啦，好窮啊﹗聽日check下是否過0左數先。

久不久都會轉下電話聆聲，通常會係d鍾意聽0既中或快歌，有節奏至易d聽到嘛，早幾星期換0左Franz Ferdinand首The Fallen，照舊齋要music，唔係知係嘈得滯，連續幾星期行行下街0係靜靜0既鋪頭當電話響起，被瘋狂怒啤，妖，唔洗咁啊，我又唔想轉喎。今日仲俾對基佬啤啊，妖﹗事緣係咁，今日一個人0係starbucks坐低飲杯0野，主要係搵個地方狂打公事電話都係例牌mocha+chocolate lamington，眼前一對西裝男突然喪摸、捽、磋對方對手，好似為對方取暖咁，都唔凍，做咩0者，一個似廿幾，另一個似四十幾，好想噁。打完幾個電話，抖抖，電話響起，############，2條佬即勁啤我，好似我阻住佢地磨咁喎，妖﹗其實我又唔係想歧視同性戀0既，都係愛人0者，只不過唔好0係我面前咁sweet啦大佬。不過講真，男同性戀又係令人幾難接受0既，2個咁大舊又咁多鬚0既人，點都好難感受到佢0地0既sweet。其實，一對，始終係男同女比較完滿。突然諗起，曾有幾個要好0既男性朋友自怨自艾搵唔到女友，除0左一個係嚴重缺乏自信，一個想儲多d好條件去愛人，其餘都係搵緊花瓶，唔想咁講，但係事實，雖然佢0地把口唔係咁講。個個都係想搵一個靚0既，希望其他人見到會羨慕0既，所以一識到d有可能發展0既靚女就會周圍向人show off，咁樣唔係搵花瓶係咩？總之唔可以影衰自己，希望個個都話「你條女好靚啊﹗」老實講，咁諗好正常，邊個唔想有呢份優越感，不過如果條路係想咁行0既，就唔好怨自己搵唔到女友啦，邊會成街靚0既，當然有d女仔唔止空有外表，又靚又好都會有，所以咪要等囉。男人睇女人通常外表行先，不過女人睇男人就未必，好多時男人就係敗筆在女人看穿佢係貪自己靚，愛情建基於外表，好難好期望天長地久。之所以咁有感而發，因為呢幾日聽收音機都常聽到d白痴仔呻，好煩，聽把聲就知佢樣衰，仲話想女朋友好似阿嬌咁，食屎啦﹗可能佢最後只會0係Starbucks同第2個麻甩煙韌。

最近屋企好多麻煩0野，希望快d搞掂。

好驚啊﹗0岩0岩睇到Niki首快歌0既mv，隻舞好衰啊﹗shit﹗

好耐無寫blog，一寫就寫咁長，滿足。

星期五

我0既星期5，通常一日等如2日。即係1日做緊2日0野。
今日，唔同，十二點未到就走喇﹗心情唔好，出奇地唔好。諗諗下橫掂聽日都要返一返工，閃。
唔想講0野、唔想郁，煮0左餐勁0既私家飯之後，只係坐0係度呆睇刑事偵緝檔案，再睇報紙，沖涼，開電腦……冇早訓到，不過個腦可以休息下，已經好好。
早幾日知道個幾灰0既消息，0黎緊肯定更辛苦，希望頂得住，但係冇乜可能，點算？

BLOG

想寫blog，慢慢寫0個種，不過呢個鐘數……都係擇日再用心寫。
唔寫，但keep住睇人地0既。
之前都聽聞過大陸有個新晉作家韓寒，但未有機會睇佢0既作品。今日聽電台講起佢，好奇心0黎料，剛才上佢個blog望望，寫d0野又ok喎，唔算老套，仲好寸添﹗

節錄︰
写短点。中国的电影，缺乏想象力，没有幽默感，不少肤浅的人憋死了劲要拍出深刻的片子。电影票房不好，大家都有责任。当然，中国人本身是没有生活情趣的。中国人的情趣表现在圣诞节排队排到十点钟吃一顿伪西餐。然后这一年就算做了一个有生活趣味的事情了，又开始没趣味的生活。这事情，是这个国家几千年来的习惯。谁都没有办法改变。我们的电影，最近是不可能繁荣的。
我们的导演，图个自己开心。
我们的编剧，写死不能出名。
我们的电影，最高这个水平。
我们的观众，也就这个操行。
我们的资方，收益基本是零。
我们的人民，永远不能脱贫。

我是很不喜欢被人拍的，就喜欢自己拍，但又不喜欢拍自己。虽然自己了解自己，但总是拍不好看

结果大家都看到了，实在是太迂腐了，太没有想象力了，太牵强了，太刻意了，太老家伙了，甚至透出中国典型的官腔。滑稽的是设计者自己觉得很有创意。是世界第一，原因是这是第一次奥运会一下出现了五个吉祥物。那算什么，一张口吃五根油条也是世界第一次呢。
这让我想起了中国很盛行的做一个十米的大饼申请基尼斯世界记录。

……

再睇睇Juno 大佬0既潮流blog︰

節錄︰
早陣子予約購入的XBOX 360，一直未有時間研究，自購入以來都一直留在包裝盒內。因為今回ANDRE的SPECIAL FACE PLATE，夜食後終於特意把它解封，跟其他平台放在一起。早陣子於巴黎舉行COLETTE的XBOX 360特別展覽，特別邀請了ANDRE、KARL LAGERFELD（CHANEL）、SONIA RYKIEL等等為XBOX 360特別製作一系列的FACE PLATE，今回為自分特別製作的版來，本當的大感謝!!!

夜食，自分家族一緒之。發現父親正在朗播SNOOP DOGG的”DROP IT LIKE IT’S HOT”!?!?“HIP HOP音樂中我就只喜歡這一首。”這是父親大人向THINK SILLY各團員宣佈的FIRST MESSAGE。

……

2個人要"晒"0既0野唔同，blog唔會show盡人0既全部，甚至係只show到最假0個面，不過睇幾行，就知呢個係咩人。

Happy New Year!

暫時最想講只有呢句︰

HAPPY NEW YEAR!