安心

今日星期六、日，較relax，因為上星期迫爆0既工作已趕起，星期一只係等稿,可以安心休息的感覺真好。自從寫呢個blog開始，好似寫過好多個忙字,忙,我覺得自己真係好忙,點解要keep住咁忙,我問過自己好多次？為0左錢,為0左唔慣返朝9晚5的office工、為0左唔想每日呆過、可能為0左學多D0野……得到好多嗎？我每日都係說服緊自己好好答呢個問題，因為我知道得到0既同時,我都失去0左幾多，早排收到朋友的一個e-mail,話唔信我掛住佢,有點唔開心，問心，我記掛著好多朋友，但冇時間逐個"表明心跡"，面對愛錫我但冇機會接觸我0既人，我是慚愧的,就係因為呢份工。
好多人覺得我係工作狂，我唔太認同，因為我好肯定，工作以外仲有好多0野，工作唔係我0既全部，埋首工作，我諗除0左因為我係處女座,最主要係因為，既然已經投注0左咁多落工作，做得唔好更對唔住自己……其實好忐忑，唔想、亦知道唔可以keep住咁，但係未諗到搞咩好。有時亦會慶幸自己唔係一個每日做住repeat工作0既sales、waitress、小秘書，亦有一點成功感。唉﹗0係未能改變命運之前,唯有繼續努力。慶幸呢幾個月出現了較要好0既工作伙伴，雖然未至於交深，有潛質的，公司有多個朋友，起碼感覺較warm ，有種互相扶持0既感覺，冇咁寂寞，所以好怕有日佢會頂唔順閃人。
早前擁有0既平價手電,接收唔理想,雖然我愛佢0既外表。收到Smartone 0既優惠，用$680低價出0左部新電話，算平啊﹗其實我好唔想適應新0野,不過今次局轉,又要學0野喇﹗^^
今日撞見一個極唔相熟0既中學同學，觀乎佢一身自以為好有型0既打扮，真係估唔到以前土味濃0既佢呢幾年搞咩、好驚嚇。中學0既日子，好似好遠。

2007 cheers!

07年喇﹗Happy New Year﹗

有d驚,因為最近有唔係太順利。經歷了長假，但感覺唔到精力充沛，自27/12起，開始病到9彩，聲沙似男人、繼而出唔到聲0個隻，但係全公司為左1/1放假，要29/12前趕起所有0野,明明今個星期好多pr仲放緊假,加上周圍大減價,工作完全受阻，病住趕啊趕，好有崩潰感覺。加上再近遇到了好麻煩0既人，只可以用不知所謂0黎形容，唔老黎啊﹗^^

捱過了，假期0既開始=養病期，呆呆的。星期6休養，結果除夕、元旦，0係令人無奈0既地方度過，有點呆，亦有點乏，希望呢個開始代表先苦後甜，我好想2007過得更好。呆滯節目以外，好彩睇左套okay 0既電影《The Holiday》，同胞《Love Actually》感覺幾似，看後令人感到有點sweet又有點warm，今日得閒睇埋套《Nana2》，都幾灰0既一套戲，換角之後好唔match，唔慣，不過新年係要洗下呢d無謂錢﹗

年頭年尾0既時候，總係諗得特別多，呢幾日聽見幾多疏離0既中、大學同學要結婚，其實冇咩大感覺，反而覺得幾搞笑，有d好難諗到可以做人老公0既人都娶老婆喇，我可能真係老喇？但係呢個年代，廿幾歲都唔會好老0者，唉，所以又係時候諗下去向，各方面。最期待3月飲0個餐,一個由中一開始影響得我幾深0既brother, 咁多年喇，雖然冇以前咁close，但係由加拿大返0黎擺幾圍酒都預埋我，太開心了。以前唔覺同佢咁好感情，當知道佢要移民0個陣，咩感情都浮晒出0黎，都話幾時都要識珍惜。諗起佢係開心0既,但突然諗起好多唔開心0既事，我係怪人。突然好掛住某d朋友，某d而家已經唔知算唔算係朋友0既人。曾幾何時，好多人話我係一個好0既聆聽者，靜靜聽朋友訴苦、俾小小意見、細看對方發洩、加點支持……特別係男性朋友都會同我傾計，可能我似兄弟啦。久而久之，呢d人逐個逐個0係我身邊消失，因為佢0地已經搵到幸福，唔需要我。可能我係一個只適合0係別人悲傷時出現0既朋友，又可能我本身有d問題，anyway，如果真係咁，我寧願佢0地唔需要我，忘記對住我好傷心個樣。諗起讀書時代一個幾要好0既男性朋友，一個好真摰0既人、好0既男友，不過最後因為佢女朋友、亦即係我朋友，覺得我同佢太close唔鍾意……就咁我就冇0左呢個朋友，婉惜。對於好多感情，我都知一去就冇回頭，所以要不斷學習放低，不過好多0野，過0左好多年都好難忘記，我真係好白痴。

好似懶煽情咁添，其實只係負面情緒高漲，想自怨自艾一番。唉﹗都係訓覺，開工﹗為出糧努力﹗