喜

今日又飲喇，睇住識0左十幾年0既好朋友結婚，感動，原來咁就十幾年喇，當日邊有諗過佢咁生性、做人咁有plan，希望佢幸福。一睇menu見到有成幾款甜點，太開心喇，終於唔洗局食紅豆沙，有我愛0既雪蛤膏，太窩心喇﹗今晚大部份菜都幾好食，而且唔例牌，龍蝦蛋白、老火燉翅、原隻鮑魚等等都好味，可以話係近年飲宴佳作，老實講，比起月初0係四季酒店飲0個餐好食，內在美vs外在美，都係內在美重要d﹗

飲宴後去了唱K賀生日，好似幾耐未0係Neway切過餅，睇見英皇群星串燒生日歌，有d驚…Anyway，Happy Birthday to U!

近來最愛吃0既Honey Chocolate，兩樣我的最愛crossover，液體蜜糖同朱古力塊好match，太正喇﹗不過我要控制﹗

搵埋星星同龜仔，齊喇掛？睇番張卡仔，全6種，但係我而家有7隻，即係點啊？無理由紅、綠菇當一種0架，怪﹗


星期4、5的工作效率、組織能力、分析能力俱欠佳，遲了交稿，自己都知"lai"0野，不過其實份稿有排至到"限期"……結果版狼"小"了一鑊，平日的我會好嬲、唔開心，或設法解釋，不過當時唔知做咩，我好平淡咁回應老細0既質問，唔答、唔理令佢更無癮，好耐無見過佢咁黑面。唉﹗仲有，由星期一起，每日要12點前回公司報導，白痴的，完全無腦0既安排。Crazy﹗路，又開始好難行了，加上近月0既插曲，人仍然很亂，要振作。

夜沙灘

今晚去0左沙灘做0野，凍啊，亦因為幾凍，成件事run得唔算太順利，好彩唔算嚴重超時，唔係就灰到爆喇﹗尋日的睡眠不足，加上下午的奔波，再結果夜晚聖士提反灣之旅，攰到離晒譜。不過工作過後，又因為太飽而頂住個胃，做人真矛盾。
喊，其實幾舒服，每次喊完，都會好好訓。但見到人喊，仲要因為自己，個心就會幾唔舒服……希望喊能夠沖洗佢0既不安、憂慮、不快。其實，喊下發洩下，都好0既。
訓喇,超攰﹗

Thanks!!

Thanks!

今晚，0係大佬屋企食完飯後，與老朋友小聚，雖然只係短短個幾鐘，咁耐無見，已經覺得好warm，太好喇﹗講到近來的矛盾，混亂，自己都有d唔好意思，明白佢0既意思，我會好好諗清楚。期待星期六的婚宴，能夠睇住好朋友結婚，都係好幸福0既事。

接二連三0既請帖，無催谷起我結婚0既衝動，反而有d驚，好似好煩……
星期一又0黎料，要開始下期工作了，要努力，近來好似懶散0左d，又好似冇咩影響，我都唔知想點。
想清楚，有好多人對自己好好，以前未察覺，浪費。Thanks，其實我收到晒﹗^___^

花女

第一次被邀請做伴娘，心情有點緊張，又興奮，應承了，冇咩可能推辭吧。為了尊重場合，要減肥了，免得人0地見到我圓碌碌，成個細路咁，以為我係花女。恭喜妳，雖然一早估妳就快結婚，不過亦有點突然，28歲，是適婚年齡吧。^^
混亂，似乎已歸於平靜，令人不安的平靜，呢個考驗太大，要做0既決定太重要，時間迫人，但未知真正意願，唉，我要努力﹗