See U!

出trip，今晚上機，星期日歸﹗See U﹗

感動

千言萬語，想講，想記低，但已是半夜，明天仲要搏殺，又係呢種矛盾位……


基於星期六突然的發燒，好辛苦，再喪訓n小時，爽番晒的唔正常生活，都係早訓為妙。星期三便要起飛，一切未就緒，但仍有n樣工作未完成，未至於壓力滿瀉,只感到好煩，輕鬆不了。有人話我唔識享受生活，其實係呢份工、加上我0既性格，令我無條件享受生活。


發燒前睇了《珠光寶戲》，幾ok0既一部戲，但對於Audrey Tautou殘0左好多，有d驚訝﹗睇戲總係有引人諗0野0既功能，劇情如戲名Priceless，話你知咩至係無價。突如其來的感動，唔係因為那些事、那些物的價錢，心意，大於一切。Thanks!

其實有d唔開心，最近無故被不知名0既人中傷，太古怪，我只係小角色一名，唉…明白清者自清，不過無奈，是難免的。

And then，dear friends，thanks for ur support. ^^

分裂

有點精神分裂的感覺，發生太多事，令人一陣喜、一陣憂，好忐忑。終於做0左個意想不到的決定，好懷疑呢個係唔係自己。一方的退，一方的攻，一方的遲疑……呢個係幸福的結局嗎？未知，但總算行了一步。偶然有很心酸的感覺，不過是自己選擇的，要努力令自己不後悔,這是我的格言。
最近工作上反而無咩大打擊，算係咁啦，開工時間亦好似冇之前咁長，有時都係衰在自己寫稿慢，要努力，人總係要靠自己，所以要努力工作。
半個月後又要離開香港，今年真係好似出trip出得幾密，而且今次地點較遠，有點緊張。雖然明知不會是很有趣的題目、時間亦相當緊迫，不過可以出去見識下，當然係好事。呢個地方，第一次竟然係同photog去，有d灰，不過離開一下香港都好，我，其實好需要冷靜，壓力好大。
一陣沖完涼，又要開始努力寫車費單,every month最痛苦的事，為錢，頂住啊﹗