端午節假

不經不覺, 第200個post了。
今日放端午節假, 好難得星期四可以放假, 真開心。
提早起身, 同好友tea聚, 新城市的Tutto by Habitu, 食物同服務都唔得, 無下次。
傾完一大餐, 散, 一個人行左陣, 好耐無行過書局, 好開心, 仲有好多無聊地方, 即使係一陣, 都開心。夜晚約左久違了的人晚飯, 感覺尚可, 可惜最後都係不歡而散, 得出0既結論係, 不如不見。
自問EQ已提升, 不過都係搞唔掂……好彩已經唔會為此而大動肝火。
回家搞下呢樣0個樣, 再睇陣電視上下網, 又半夜, 過多陣都要sleep喇,因為煩忙的星期五又來臨。
最近有好多野諗, 人, 事, 好多好多, 有幾條白頭髮啊, 可能因為咁。
真係肥左好多, 一定要控制, 已經過左可以賴baby fat的年代好耐, 加油!