甜品惹的禍

應該係甜品惹的禍。
明明想食少d, 剛剛又食左個豆腐花。其實, 我鍾意咸多過甜, 不過, 總覺得食一餐飯, 要有甜品先圓滿，而且唔開心、又或者好relax時,都覺得係應該襯甜品的。加上, 同朋友食甜品又好開心口心呢, 點算……
不停落雨, 令人心煩。 上星期超忙, 昨晚亦要寫稿, 好彩搞掂晒, 雖然今日返工好攰、好呆, 不過感覺好relax。今個星期有同事放假, 可能都唔得閒得去邊, 應該ok0既。^^
今日放工, 食飽飯, 睇左陣電影, 感覺好hea, 唔錯。 有覺都唔訓, 其實好折墮, 但真係唔想訓、唔捨得訓。唔捨得，一來因為好enjoy hea的感覺、亦有好多野想做, 唔捨得, 因為有時都會驚, 訓左, 起唔到身。真架, 世事難料, 萬一有日訓左醒唔番, 咩都無, 唔知會點。 曾經講過, 早前有過唔太熟的中學同學0係睡夢中去世, 令我更加明白, 人生的無常, 有時0係facebook見到佢老公的留言, 真係好心嗡, 我唔識佢, 未見過, 不過文字中就feel到無限思念。生離死別, 真係好可怕。我未經歷過, 當然唔希望經歷, 不過, 避到嗎？我當然希望, 所以愛我, 或我愛的人, 都長命百歲。
前排斷斷續續地在短時間追晒40集《長腿叔叔》, 睇完感覺有d空虛添……如果, 世上真係有好似長腿叔叔咁0既人、應該係話咁好0既男人, 就好喇, 不過我都無茱迪咁善良……所以都係唔好諗咁多。咪偽囉, 人地孤兒咁慘都係咁生活, 我好應該滿足，雖然係卡通, 不過我都知呢個世界有好多灰到爆0既事發生。從來, 世界係無公平0既, 我明白, 所以我只可以努力, 用實力為自己爭取、平反。
竟然…0係無為意可能當時人會睇我個blog0既情況下, 0係blog凌講當時人, 都唔記得佢知我有寫blog, haha。不過其實都唔緊要0既,我唔係講壞話, 講心入面諗0既野, 真心話而已。當然,我唔希望人地有hard feeling。一切, 都係出於好意, 客觀與主觀參半，朋友, 就是要直接。現實中,中直接不了, 0係blog度直接,都可以吧。希望無傷害任何人, 其實,係唔應該理人地太多野0既。
爭拗, 通常源於誤會, 其實我無咁衰的, 唔好成日誤會我。
又亂up左一輪~話時話, 好多人話《香港亂x》好睇, 我睇左一陣, 都幾搞笑, 不過得閒再詳睇啦。早抖!

星期一off~

星期一, 本來係最討厭的, 不過今日放無薪假, 當休息多日, 感覺良好, he~ 不過明天開始又係灰, 因為今個星期將會好忙, 有個晨早預知0既大feature要做, 加上要開始不停打電話 "R"野, 係狂"R", 同事Iris講得無錯, 呢d應該係sales做先0岩, 成個program都應該係, 點解我地要負責大部份最困難的部份？算啦, 無答案的, 我知道。
今日比原定時間遲左起身, 所以比較趕, 趕住食個快lunch, 再趕住去睇LV展覽, 夜晚就同老朋友慶祝生日。今次算係早左好多慶祝, 無辦法啦, 人大左, 時間更難就, 平時成日要人地等真係唔好意思, 唔想又遲, 所以一知道約今日, 就mark左呢日放no paid leave啦。打邊爐, 食到勁飽, 壽飽唔係話好好食, 但一人一個感覺好sweet, 既然都食唔落蛋糕, 有個壽包撐下場都好。
一直覺得家境好、無憂無慮的好友, 原來亦正在面對逆境, 再次證明家家有本難唸的經。由細到大, 都覺得自己屋企好煩, 不過我都知個個屋企都係煩架喇, 唯有努力面對。
突然想起好多朋友, 對佢地0既關心都唔夠, 可能我根本唔夠時間去關心人。呢個係藉口嗎？我都唔知, 早前前輩好加結婚, 其實我係好想打電話去詳談,分享對方0既喜悅, 但係諗起太耐無contact,不知從何睿起,就猶豫了。有些朋友在讀書時代好friend的,後來失去聯絡->尋回-facebook見-仍然未見面聯絡, 好可惜, 但我真係唔夠時間。 但問心,有時返到屋企我都有幾多時間relax架, 不過返正常工的朋友早已安睡, contact條毛咩~~~又有些朋友, 你以為同佢幾friend, 原來只係一廂情願, 大話連篇, 其實好小事, 亦唔係太關我事, 關乎佢0既緋聞, 全世界都知, 明明係就係啦, 點解要話唔係, 我又唔係要拆散, 只係提醒佢0係唔適宜高調0既時候就要愛得低調, 呢頭話唔唔係, 0個頭又同緋聞對手渡假, 人人都知啦搞笑~感覺受騙……當然, 我咁大個人唔會因為呢d事而傷感, 係有d失望, 以為係friend, 原來係泛泛之交。不過都唔係第一次遇到呢d事, 睇開d啦, yeah!
朋友撩去韓國, 到底我想唔想去呢？未諗到喎。不過要等到11月,太耐喇,有無其他plan啊？~~~
好想離開香港抖下。

64廿年

今日係64廿週年, 雖然我自問政治冷感, 不過當年小二0既我, 都覺得成件事好之腐敗、荒謬、悲涼。因為工作關係, 加上自己未算太熱血, 我唔會去紀念晚會喇。最想講係睇唔過眼有d人只識跟風, 人去佢又去, 仲要成日大大聲講自己要去晚會, 好似拉大隊去唱K咁, 相信呢D人根本唔知64背後意義, 話唔定係棒住碟壽司去、或食住雪糕、聽住iPod, 希望呢d人愈少愈好。
唉~訓喇~2/6補左1日假,反而更累。
好想join西藏之旅,不過n個理由下,去唔到, 期待下一次機會。

假

今日好眼訓,基本上逢星期一都好眼訓。開會、call pr、開會、再傾、send e-mail……咁又一日。心情麻麻, 唔知點解, 其實無咩特別挫折、無人被人鬧、無同人嘈……係突破感到0係公司好孤獨。做做做……有傾得埋的同事, 邊個真？邊個假？分得清, 倒是令人傷感, 都係好好保護自己為上策。原來想一返屋企崶努力寫claim form,搭車搭到好悶, 返到屋企,只想不停hea。加上明天補假,休息一天。好懶。放假, 真係好, 如無意外去整下個頭,成埋草咁。好想睇書, 睇新買的《女人戲》, 我幾鍾意陳慧的。假, 令人又愛又狠啊, 放假個假當然愛死~假仁假義個假, 討厭死。