Taipei 100709-130709

第一日假

第一日假, 係幾hea的情況下過去，起身已經三點幾(好耐無試過訓多過8小時lu), 上下網, 執小小野, 夠鐘預備見老朋友, 塞左陣車, 一齊去買d野, 本來打算唱健康k, n年無試過, 最近因為shopping耐左, 改去食sushi, 簡單舒服的一天。
做人, 真係愈簡單愈好, 頭先睇完MJ追思會, 感動是有, 不過未算太強烈, 可能因為我信佢有做過錯事, 雖然我忘同佢0既才華、成就。我相信就係因為太叻, 於是出事啦, 當人擁有太多, 一定會越軌, 我信。
就快28歲, 就算個樣唔似, 都不得不承認就快係中女, haha! 不過我唔覺得好老, 其實讀完U都22、3歲, 只係做左幾年野, 好多野都未試過、未學過。家人好似好想我結婚, 實在太搞笑, 我唔似會、亦唔想, 可能因為我對婚姻太無信心。
身邊朋友相繼結婚，另一方面, 有D結左一陣就分開喇。既然唔肯定可以合久，點解要結婚？我當然明白無野係MUST,無人可以擔保一生一世, 承諾永遠好難兌現, 但係搞完一輪叫一大班人一齊celebrate你地結, 又要睇住你地離, 簡單黎講係一種浪費。我太現實喇掛, hehe。朋友W前年結婚, 我係姊妹, 第1次做姊妹, 好開心呢, 老公同我一樣係處女座, 麻麻煩煩, 不過人很好, 又細心, 去年敵不過老套私初戀情人回歸考驗, 早幾個月離婚收場。但朋友w與有婦之夫初戀情人未能開花結果, 浩浩蕩蕩愛一場，傷害了老公、傷害了自己, 只係益左初戀情人, 在外人如我的眼中, 真係覺得好唔抵, 亦心痛。不過呢d野總係當局者迷, 我都無資格話人。只係覺得女人, 都係有個可以依靠0既男人0係身邊好, 唔係當水泡, 只係互相支持嘛，激情過後, 賺小小、蝕多多。
突然有感而發, 因為睇見MJ, 想起人生苦短, 如果我好似MJ咁得五十一歲命, 我已經過左半世人, 一時感觸。今日見番舊朋友, 都驚覺時光飛逝, 我地識左十幾年喇, 好難得。雖然平時唔常見, 不過好多野在心中,嘻哈朋友係另一種, 呢種係真心的。^^
都係去訓啦, 買左兩本雜誌, 邊刨邊培養睡意先。

小小休

7月7 日, 今日起香港好多地方都要收膠袋費, $0.5一個, wow~平日都會放n個袋仔0係手袋0既我, 又唔會覺得根新奇, 不過真係要預備多d。仲有啊, 今日起開始放個小假抖抖, yeah!
由原本5月打算放, 拖下拖下到成7月先放, 本身唔打算花太多錢travel (真係幾窮>_<), 所以打算假期主要在港hea, 抽幾日出個短trip扮relax就算, 遲d再去遠d~~~同行的人轉完又轉, 最後維持原判, 希望平平安安, 開開心心。唔知之後會點呢？
其實我好少由星期2開始放假, 不過因為上星期三放左日七一假, 未搞晒d野, 同埋諗住傾埋題目先放, 幫輕下老細啦。點知唔齊腳, 傾唔成。一個因為牙痛入左廠scan下有無事, 另一個又話病, 唉。
今日真係激親, 其實上星期五對方「知會」我佢要放假, 我已經覺得好funny, 其實放假好少事, 我亦相信老細會俾, 不過好多野唔係你話ok就ok, 其實而家大部份公司都係做滿1年先可以放大假、同埋要1個月通知, 我唔知公司入職0個張contract有無列明, 不過呢d幾乎係約定俗成, 仲要我地公司已經笠flexible, 係有得傾, 但唔係早一二星期弓前講就太遲, 如果有特別野搞、唔夠人呢？我都講左老細應該俾, 對方仲要誨氣我, 話無人同佢講過要做滿1年同埋1個月前通知，我都話唔係唔俾, 係想提佢下次要早d, 重點係仲要賴無人講過, 自己唔識問咩! 諗起都嬲。
問心, 對佢算係係咁, 就算好多人對佢comment唔太好, 佢做野亦唔夠盡力、講左0既野又唔記得, 但我覺得佢對fashion仲有熱誠, 應該拯救到。但呢位同事keep住工作態度同埋講野態度差0, 實在令人好有hard feeling, 愈來愈發現對佢太nice，對佢好亦唔會領情。好失望, 同事鼓勵我狂小一番, 我唔鍾意鬧人,唔好迫我。
眼訓, 早抖。^^

掃興

最近的星期六、日經常落雨, 真掃興。