無腦

放假0既時候，就是喜歡做唔需要用腦0既事，出街如是，0係屋企亦如是。
其實我好攰喇。

口窒窒

呢2個星期好似更攰，救命。連電腦都懶得開，blog亦沒mood寫，一切都變得更唔正常。自從上星期六0既健康天台BBQ，唔同part0既牙肉接連腫脹，食左都有d吃力。成個人仍是呆下呆下。
今日放工趕到做智能身份證，好彩。同事果然冇講錯，需時極短，就算夜晚去都只得幾丁友。幾十個工作人員更有悶到口臭跡象，佢0地d錢好似幾易賺。
今日發現自己邁0野口窒窒，文化d講即係結結巴巴……未至於漏口，好驚。不過只係同老細傾題目時至會出現，唔通我真係好緊張？以前我出名牙尖咀利、咩都唔驚，家陣咁懦弱，傾下稿已經口窒窒，好大鑊，人生真係好多灰暗位。
加油，而家只會諗，打份工0者，算啦﹗
算啦，訓啦﹗聽日又做到仆街啦……

長腿叔叔

呢篇好似係我0既第100篇blog，咁快……

朝早六點幾，我重0係度寫blog，犯賤，有覺唔訓好犯賤，其實你唔捨得訓+訓唔到，唉…
最近電腦整返好，唔敢太濫咁download喇，不過仲係會b下d平日唔會俾錢入戲院睇，又或者香港冇得睇0既戲，之前b左套叫《長腿叔叔》0既韓片，今日睇0左，估唔到都幾ok。基於細個除左《cat's eye》、《聖鬥士星矢》，最鍾意0既卡通就係《長腿叔叔》，即b﹗睇張poster以為係溫馨愛情片，點知原來又係韓式悲劇，就係估佢唔到至好。世上到底會唔會有長腿叔叔咁好0既人？有人會暗戀人10年嗎？諗真其實都幾灰，長腿叔叔如果唔係咁有錢又點幫到人，其實係錢解決0左問題。都唔係，諗真套戲都係叫你珍惜眼前人0者，right﹗




夜晚同大學同學睇陶吉吉concert，都ok，諗諗下97年開始聽佢0既歌，都成10年喇，時間過得真係好快，好彩有唱《天天》。^^好耐冇見，大學3年從未見過佢長頭髮，今日見佢長髮look好surprise，原來有成年幾無見，真開心，希望佢原諒我偶然會好呆咁，我而家成日都你咁，有時好high，有時好呆，癲﹗原來我有好多人都好想見。

本來同事話夜晚有健康K，都好，一口答應，聽完concert之後發現唔夠人cancell左，諗住都係返歸休息下。搭搭下車電話響，飲0野好唔好？返緊屋企喎我…悶悶地，好啦﹗再鼠出去，家陣有d後悔，飲到頭暈暈，家陣想訓又唔係好訓到，明明好攰嘛，唔得，下次要控制﹗

好想有holiday mood啊，復活節，某d朋友都去0左旅行，倍覺lonely，不過成0左本64版0既書仔及其他稿件，唔止星期5要0係公司過，0黎緊星期一我返工都肯定唔會塞車，因為人人都放假。oh…where is my holiday？

失望過，真係好難返轉頭，家庭、朋友、愛情亦然。特別係對於朋友，可能因為我睇得好重，有d人令我失望了，我會放棄，人0地唔珍惜，點解要一廂情願。希望剛甩拖0既好朋友都可以咁諗，睇開d會舒服d，太在乎只會令自己難受，希望佢0係中山浸下溫泉爽番啦﹗

呆滯、乞兒

由上星期六起，心情冇好過，常常呆滯，愈來愈討厭自己0既情緒化……不過總有人比自己更情緒化，今日有個同事，應該話係朋友至0岩，玩失蹤，真離奇……可能人太累、太大壓力，真會好想逃避、宣洩，明知唔0岩，都要放肆下，明0既，我都想，可惜放肆唔起。
運氣同儀容會唔會相輔相成0架？冇時間剪髮、執正dd，日日癲婆咁……唔知係咪影響運氣，0黎緊一定要執下，唔想做乞兒。

公眾假期

自從Maggie走左之後，我好耐冇試過通頂通到第2朝有人返工至走，尋晚劣境再現，今朝晨早至走，撐得好辛苦，特別係冇冷氣0個幾個鍾，不過一口氣做晒，真係好過訓一陣又仆返0黎趕餐死0既。家陣半夜4點幾，終於完成所以稿件、車費單、執貨等等。明天又一期，時間真快。過左十二點，今日係公眾假期，做0左呢份工之後對公眾假期好陌生，因為通常唔關我事。雖然今期完晒，但斷估聽日都係要搵題目、開會，算啦﹗
今日好平淡，好似冇乜可以紀錄，不過係兒童節，係Jimmy生日，叫做有d 0野發生。好，返歸，希望訓個靚覺後好0野發生。

一周年

應該要到復活所至可以完結網吧生涯，因為大佬0個陣至得閒幫我整電腦。唔係一定要上網，不過有d 0野一定要update至得，而且，又慣0左夜訓呢，其實今晚特登早走，想聽日早d起身，落車都係覺得要上下網至安落。

尋晚未到十二點已經走0左，因為下午上0左山影相，行0左條超勁斜0既路上山，再之前0個晚又唔多夠訓，人都癲。突然發現其實今個星期除0左呢份儲稿，仲有好多0野要handle，頭都痛埋，唔想諗喇，逃避下先，所以尋晚都好好訓。今日罕有地全家去0左鯉魚門食海鮮，上星期老竇贏馬所以佢請，平過0係西貢、布袋澳食好多喎﹗之後家人返歸打牌，我去左尖咀行陣、買小小0野加食個糖水，半夜再過Jimmy生日party。某d聚會變0左質，就會少0左出席，點解下下要劈到成pat屎咁至心息，都咁大個人，不過為慶祝為開心又唔同講法，Jimmy生日一定到，佢咁錫我，睇見佢而家個女友對佢咁好我都好安落，都話佢會等到0架啦。坐0左陣就走喇，佢都醉0左喇，又好似冇咩搞，閃，想早d休息，不過閃0左去上網。真係要同自己講聲有冇搞錯﹗

一直堅持自己唔鍾意余宜發0，不過佢播0既歌又真係ok，好多好耐無聽而又有情意結0既歌都會出現，前排播我細個0個陣最鍾意聽0既Debbie Gibson《Lost In Your Eyes》已經好厲害，前幾晚又點醒我要買藤田惠美隻新碟《CAMOMILE PLUS 精選 + 新曲 》，好耐之前聽過佢翻唱"英文老歌"已經覺得幾正，不過0個陣只聽過一兩首，想想下又唔記得。事隔一大排，藤田惠美下個月0黎香港開concert，乘機出呢隻新曲+精選，又咁岩俾我聽到余宜發播0左大半隻碟，今次要買喇，唔敢話好好聽，而係佢把聲令人覺得好舒服，一個人靜靜地聽幾好，仲幾催眠……

忠言係咪一定逆耳？唔知啊，有時都知自己0既說話太直接，而且會幾難入耳，忽略聽0個個0既hard feeling。但係如果把口只可以講d對方鍾意聽0既說話、佢想我答0既答案，咁會唔會枉為朋友呢？就係因為知道人住住容易當局者迷，企0係身邊0個個既然客觀d，直接d唔係好d咩？我永遠支持我0既朋友，但係做唔到一味附和。算啦，有時太一廂情願唔係好事，關心，唔代表有人會珍惜，有點失望，決定以後唔理咁多，免得更失望，只要自己知道忠言逆耳就得喇。

撇徐工作上0既死結，最近心情都ok 0既，希望繼續有運行。
原來開0左個blog都成年喇，一周年喇，我都一樣咁長氣﹗