晨早起床

晨早起床，其實遲左，check check e-mail，有點不快。
你有你不斷請人唔關我事，搵我認為好唔得、或搵我認同可能有潛質0既人亦唔關我事，但係對方又搵我幫忙推薦，因為我唔知，推薦左，搞到我好似玩我自己老細咁……
點解剩無我份？我唔係恨，亦知道未必適合我，所以我搵工亦未曾向佢地探路，不過連d完全唔得既人都被邀請做free lance，覺得佢地受騙，因為我"lai"過野嘛。但因為我要飾演唔知情，無機會同佢地講，好無奈，好局外人感覺。好，我要加快淡忙不快既快度﹗
努力工作﹗

睇開D

今日食2左餐雞，下午食家鄉雞，夜晚食海南雞河，而家0係雪櫃仲未飲0個碗湯都好似係雞湯,咩事啊？
心情一般，有好多事已經睇開左，同事離開亦已一萬個習慣，不過面對離開前0既佢地真係要有d耐性至得，基本上大家會好nice，但因為就走就會成日有怨氣想發洩……好多話題已經都好悶。老細要求高，幾臭串，我明，亦已習慣，已經識自動過濾，但係如果走係因為唔鍾意同事，好無謂，唔值得多提，邊有一間公司全部係好人，全部做到friend？況且如果知0既多數係聽番黎，只加入少量親身體驗，太片面，盞自己辛苦。
好多是非、好多怨氣、加上好多工作……好很煩。
面對所有人，我盡量客觀，可惜好難做到坦白得好聽，特別係對熟悉0既人。
努力，但不果。
我希望繼續睇開d。

反省

上星期辛苦得好緊要，唔知想點，十分勁頻撲，應該算係本年之冠，可以因為要走好多轉地方，而且又要早左入稿，順利，但自己唔爭氣，後期好似唔知自己做乜咁，結果好似有少少連累埋同事遲左咁，有DD唔好意思。總算過去,叫做relax兩日,開心番DD,亦有令人沮喪的時候,我希望別人可以明白我。最近不斷發夢，好攰。

昨日訓得唔好，好彩今日尚算順利，如果唔係BOSS明天放假要交帶低D野，我應該可以再早D走。回家，邊同朋友、同事CHAT，邊上下網RELAX下，又SEND下公事EMAIL，預備一陣又睇下八掛MAGAZINE RELAX。

今日,又一個未做 滿3個月的同事LAST DAY了，感覺不大，可能真係見慣,反而係佢好似好抱歉,又好似好驚,唔知佢想點，到底幾時有正常人？等緊。已經無以前咁焦急想有，因為知道如果請到個幫唔到手0既,同自己做分別不大。等下啦唯有。可能大家都要反省下,點解身邊人不停轉,會唔會我自己都有問題呢？^^

其實今日又一個BAD NEWS,又或者希GOOD NEWS，一個好少同佢0係公司講野，但同佢識左好耐，彼此都當大家係朋友既同事，都要走喇，唉，不捨，不過我都希望對方有更好發展。

剛才同個photog吹下無聊水,再講下公事，佢無啦啦老實地指出我0既問題，話同我合作都幾麻煩，同埋我唔聽佢地意見，叫我唔好嬲,。嬲咩，無計，我都知有時自己幾固執，因為做左咁上下日子，我當然有自己0既堅持、要求，我不嬲都知佢地覺得我麻煩，因為我好多野都堅持，佢地成日怨,其實我都係想件事好,我0既意見唔一定好,但對方亦唔一定0岩，係要溝通lor，但呢度0既photog……活在自己0既世界，覺得自己已經好辛苦,或者好勁,有excellent的審美眼光........個個都係咁滯。

其實我會反省,知自己問題，但呢度d photog比較自以為是，出到去真係唔知點生存……諗起以前公司的photog,真係pro好多，不過大家都係搵食0者,算啦,都要夾，到有一日可以豁出去,就無事啦。^___^諗起有d potog都同我講過好驚/唔鍾意同我或另一個senior夾,因為我地麻煩,惡,唔聽佢地講，佢地鍾意同一個乜都say yes 、唔會話唔好0既同事夾，咁都好0既,容易滿足0既人會開心d，我都想。可能因為我係最麻煩0既處女座啦﹗^___^

好,睇陣雜誌培養情緒訓覺。Yeah!

谷底

又到半夜了。未係好眼訓，但今日都做野好多野，勁﹗好少星期一咁晏放，灰﹗
又有同事resign了，預左，夾埋就少左兩個,應該唔會死掛。其實一早都估到兩位唔會做得長,有晒心理準備,一個力不從心，一個根本無心。一個成日將錯攬晒上身，一個成日以為自己無錯。不過其實兩個都係同一類人，兩個都好似無諗過進步，奇怪。真係無咩感覺，係覺得浪費左，佢地浪費左之前為呢份工放棄既野，亦浪費左我0既心機,雖然我無付出100%，總叫有教過、有期待過，原來都係0徙氣~~~可以點呢？又忙過？其實之前齊人都無輕鬆得幾多。
今日心情,好似都係咁,好d呆,成日唔知自己做咩,忙碌工作過後都係好呆,我覺得係神俾我0既考驗，不過我又唔係信徒，點解要考驗我。
之前有舊同學同我講，佢好似成日0係谷底咁，我依家明白係點喇。
係時候relax下,今晚我選擇睇《東地》，八掛一下。

寫字

近日心情總是不太好，應該是情緒病作髓，我承認自己好情緒化，但其實好多野我都可以睇得好開，亦可算擅於忍耐，EQ算幾高掛，解釋不了的情緒低落，不過其實又好小事，因為我久唔久就會咁，靜靜諗下野，諗通左就無事。
大概都係早前的「大掃除」之後遺症，睇番以前儲低0既作文、成績表、小說，突然醒起自己其實好鍾寫字，細個最鍾意作文，會考同A-level最高分亦係作文，可能因為咁，畢業之後第一份工到依家都係要寫字，只係，寫0既唔係自己想要0既文字，係為搵錢而寫0既文字^^，都0岩0既，人總要食飯。
朋友話「做野只可佔人生好少時間,心靈對你可能緊要d.」，唔係可能，係一定，我明白工作只係人生一部份，只係因為自己想趁年輕盡量搏D、學多D野，而家人大左，心態當然有變，明白好多野比工作重要。努力啦，我一定會。其實我一直努力緊，而家最希望，係努力得有價值，有回報。
又要開始工作，因為星期五做唔晒有手尾跟，要專心﹗加油﹗^___^

零碎

時間控制得唔好,可能係我最大0既缺點，本來今日打算，亦都應該可以早D訓，但經過一輪表面為relax，實質為無聊0既時光後，再加上做左陣公事，又到呢個鐘數，fucking crazy。

好多事想記錄，講過n次，不如就零碎地記錄，橫掂我0既生活根本好零碎。

難得早返，一返到屋企，老竇老母又0係度嗌交，好煩，由細到大都係咁，唔厭咩？我好厭，所以無理。由細到大都好怕有個好壤0既結局，不過人大左，就無咁驚，只覺得好煩。

早兩星期放左大假，24/6-28/6終於離開左香港一陣子，等咁耐至可以relax，都幾唔捨得。如果成個旅程可以無病無痛就更perfect。我好似好耐無好開心咁笑過，連去旅行都無，我覺得自己愈大愈呆，愈來愈唔可愛，好恐怖，help~~~

假期尾聲時，再次進行執屋計劃，因為老母由阿哥屋企搬左返黎，耍執間房出黎。執執執, 執左好多廢物,的起心肝扔晒大學時代0既notes，都唔覺自己讀左咁多書,浪費晒d錢。再執,執左好多回憶出黎，都有d唏噓，睇番年份，有d貼紙相原來都成十年或over，時間過得好快，真的。

對於facebook，我視之為"消遣"，無聊時睇下人地d相，打發下時間，不過facebook lists入面雖然佔大部份係工作上認識0既hi-bye fd，又或者唔識0既人，但係都有d係"失散"左好耐0既舊同學、朋友，搵番都幾開心。同埋呢，0係facebook度見到愈黎愈多同學結婚,特別係商科0個邊，無咩感覺，只係諗番起佢地讀書個樣同而家個禮服樣，so funny﹗

我講過，好怕別離。不過，就快又要面對另一次別離。 0係同一間公司做耐左，面對同事雜開係平常事，可能係我有d白痴，就算對d萍水相逢既普通同事，少左個人都會覺有d唔慣，何況今次又一個我認為曾經對我有恩0既人。Um....... 唔知由幾時開始，我地無咁fd喇，可能係佢開始有女朋友，唔需要我support 0個陣掛，當然各有各忙係最大原因，呢一、兩年，好似變成hi-bye表面同事，有d可惜。本來我都以為，彼此無咁fd，而且我又預左遲早要分開，無咩感覺。當0係一個迂迴到爆0既途徑得知佢要走，先係唔開心，因為佢無話我知佢走,佢講過會同我講架…… 繼而覺得好唔捨得，諗起以前初入行0既黑暗日子，呢位前輩帶俾我唔少歡樂，同埋無形0既support，仲有教過我，幫過我。對上一次大家分開，感覺未深，因為未算好熟。之後再同一間公司，多左好多時間一齊食飯、宵夜、傾計等等，我發覺佢真係一個好好0既人，佢唔止成日幫我，心地仲好好，對朋友、身邊人都好好，所以0個陣有人hurt佢……我都好唔開心。其實，我明明又知道彼此未算深交架其實都，可能因為我總係堅持，人地對我好，我會記一世，呢個人幫過我，真係好感激佢。事後佢話，因為特別原因先至唔講，佢都唔想唔講，希望係真啦﹗最希望佢搵到一份真正做得開開心心0既新工。Wish u all the best! ^___^

要訓喇，早抖﹗

24/6-28/6 Relax