得,失

原來又好耐無寫blog了，自己懶，相信亦無幾多個朋友有意慾再update了，好多說話想講、記錄低，不過千言萬語，邊講得晒，都係是但"up"。
昨日早走(所謂早走只係唔通頂)，訓個夠，搞幾樣手續，買少少日用品，回家食飯，跟住，都係灰灰地1坐低完成未完的稿件，呢一刻，即係開工前，留低少少字。唔知由幾時開始，已經好難再搏命星期五一晚完成晒所有稿件。結果最近都係星期六或日開工，灰嗎？都幾，不過計落都係比從事0既困境好d，期待一個假期，或真正的「解脫」。
任何事，從來都係有得有失，最近對得失的感受好似又深了，唔知點解呢。對於嚴重失去私人時間，早已睇化，本著學多d、睇錢份上、唔想工作太悶0既心態幾年，已經識得點樣安撫自己，唔再憤世，因為路係自己揀0既。如果唔係呢份工，唔會識到佢，是最大的bonus嗎？其實bonus有好多，慶幸已識得儲起bonus，用來掩蓋所有失去的、不快的、遺憾的。結果，個心係舒服d 0既，自欺欺人嗎？^^我就係咁0架啦。吹咩﹗
工作以來，得到好多友誼，表面的、真摰的，與日俱增。好多人話我世故，幾啦，因為好明白呢個世界太多假人假義的人和事，中過招，明白人心的確難測，唯有努力自保。突然想起，真係好似經歷0左好多，多0左d體會，有喜有悲。某d自以為深厚0既友情，原來亦會隨年月、環境、人事變遷而流逝，朋友間0既山盟海發誓，可以比愛情更脆弱。承認自己太"白痴"、放唔低，仍好在意當日患難與共的友誼，其實我已好努力維繫，不過一個又一個朋友變成hi-bye friend，終須承認人地早已將我忘記，以後見面就hi & bye吧﹗幸運地，某d從前以為做唔成朋友0既人，愈來愈用心對我好，唔止一個，係幾個，多謝。真朋友難求，thanks all of u!
如果你睇到，我想同你講︰(要感謝的人太多，如今次未數到你，你心領就得啦﹗)
To 1月9日生日的你︰
Thank you!
To 9月13日生日的你︰
入行前識你，睇住我大，你以為我忘記你，我無，今年生日少了你的祝福，希望你無忘記我。
To 1月16日生日的你︰
曾經以為只是共患難的同事，原來分開後，fd底依舊,thanks!
To 9月20日生日的你︰
師姐，從你身上學到好多，唔好以為我忘記你，係太忙，但忙都唔會忘記你。
To 11月2日生日的你︰
因工作而認識，好多謝你對我咁好，又成日幫我。
To 6月13日生日的你︰
永遠撐你，心領啦。
To 1月31日生日的你︰
大學時代最親密戰友，thanks for ur love!
To 8月25日生日的你︰
原來我都幾掛住你﹗
(待續)

我要開工喇﹗^^