懷念

肚痾多日，今日似乎好番喇，太好了。
就快生日，又大一歲，雖然我深信叫得廿幾歲唔算老，不過年紀真係大左，身邊0既人又好似愈來愈細，唔該唔好問我幾多歲﹗^^
剛在msn見到ex 同事，傾0左陣，之前都唔發覺原來咁掛住佢，懷念。可能大家共事0左成年，而且日見夜見，日夜並肩作戰，雖然未稱得上深交，但一齊經歷過困境，感情就不知不覺培養出0黎。可能未來，大家再有機會傾得深入d，會做到好朋友都唔定，唔知呢，世事難料。
近來好似無乜工作動力，正確0黎講，應該係成日都好似好唔起勁咁，唔知點解。唔滿意，但又唔想迫得自己太緊，好煩。希望快d順利。
事過境遷，一切變得不一樣，到底我完全適應未呢？希望有日我可以靜靜坐低諗清楚，俾個答案自己。
生活、工作太繁忙，呢幾年得到好多，失去的都好多，突然好懷念返學0既日子，起碼有個暑假回下氣。Good Luck!

肚痾

原本定下目標，在剛過去的今日(9月6日)發力狂寫稿，狂影相，快快快快快…點知，鬧鐘未響已扎醒0左幾次，開始肚痾，痾左好多次，之後就好肚痛，頭痛，痾痾痾痾痾痾痾痾痾痾痾痾痾痾痾痾痾……終於忍唔住論假，好唔抵。唉﹗一定係昨晚的泰式生蝦累事，辛苦的一天，都唔知痾左幾多次，太狼喇﹗而家尚算清醒，不過諗起明天有大把0野做，唉﹗
我要努力﹗^^
半夜收到ex同事兼處女座友好的sms，其實我都好掛住佢，不過，每日都咁忙，怕約左0黎唔到，又唔想人0地覺得的攝時間，唔知可以點……
希望醒後不再痾啦﹗

好彩

好彩，真係好彩，朝九晚九的緊密行程後，只可以用攰到pk形容，得知不用通宵寫稿後，心情返晒0黎，雖然至目前為止仍未有機會行街，都要yeah!
難得，可以0係日本同大佬食宵夜，原以為是一先一後的business trip，原來都有交會點，而且酒店只在一街之隔。結果去左我酒店樓下食宵夜，一入食店已經覺得扮巨型剌身船0既裝修好搞笑，巨船波0係水池好勁，突然覺得自己好似一舊剌身，最搞笑係大佬將menu整跌落魚池。
飯後，感觸良多，原來大家都變0左好多……親切感回升，但發覺距離拉遠了，好開心見到佢而家咁幸福，以前會好擔心佢，而家佢愛情、事業都如意，比一切重要。自己呢？又係事實諗清楚做緊乜。^^明天回港，yeah!!!

腳軟

其實未試過出trip帶電腦,未試過出trip時寫blog，所以就算攰到pk，都想留低幾隻字。今日由朝早9:40做到2300，企足1日咁滯，食埋飯都點幾，再執埋0野又半夜，明天又開早……點解，唔可以有d筍trip益我？好想，好想有奇蹟出現。又一日，好悶的trip，好想快d返香港啊﹗

崎玉

再次因工作到訪日本，今次主要0係崎玉工作，未去過的地方。昨日出席0左一小時farewell party，訓左陣，就出發了。今次出trip，感覺奇怪，可能因為photog唔熟、pr唔熟，成個行程又超tight，最灰係要出trip寫稿，上次領略過已想喊，唉﹗
心情好似唔太好。希望快快調節好。