亂

星期5被老細訓話，語氣頗好的，但內容是拙拙迫人的，愈聽愈唔訓氣，亦感到前陣子的體諒消失二，忍唔住反擊了兩句，這一下挑戰，當然再下一乘令老細不滿，自討滅亡，哈哈，跟住就繼續無心機地工作，點解唔可以俾個Happy Friday我。星期六中午至訓，是一大創舉，結果Saturday就是在睡眠中渡過，夜晚11點過阿哥屋企食飯(當然是留飯俾我)，其實好古怪。仲有好多版稿未寫，我知道星期日走唔甩喪寫之路，好耐冇試過假日困0係屋企寫稿,really好灰﹗
呢個星期，突然發生了好多事，好亂，大鑊，忐忑。突然的陣腳大亂，是我始料不及的，希望時間可以令我看清、想清一切。唉﹗好多0野諗，想要多d時間。
下星期二是公司annual dinner，希望中獎啦，yeah﹗

豬年快樂

新年快樂﹗
咁又一年。新年假又放完喇，太唔捨得。今日老竇返0左大陸過年，所以我"奉召"陪阿媽拜年，人大0左，真係好唔想出動，何況年初一係要去老遠的青衣。好彩，突如其來0既"節目"令我唔使悶留在親戚家，聽0個個不知所謂0既0靚仔親戚講佢鍾情0既"藝術事業"，太好喇。例排0既拜年節目如是、新年睇戲慣例亦如是，年衫2睇0左《門徒》，ok 0既，今日就睇埋《冧歌有情人》，都算ok 0既，講真唔算勁冧、故事結構、內容亦唔算豐富，不過農曆新年睇呢類唔使用惱0既戲係幾好0既，何況我一直想睇。
年初三，即係今日，是久違了的同事BBQ，地點是小欖，好彩有順風車，否則我好有可能因為太遠而放棄。其實成件事都幾ok，有開心位，價錢平，大部份人亦有heart的，不過，問心，感覺一般吧，比去年那次的氣氛差了點，可能健康0既群體活動已經好難存在，oh no﹗今日領略了"自討沒趣"的苦味，既然久違了，無人主動都唔係辦法，便自發地掀起話題，換來的是短而唔精0既答覆、尷尬0既笑容、迴避0既眼神……完全唔知自己做錯咩，又無反過面，太騎呢喇，呢次自討沒趣好唔抵，發誓無下次。終於明白。
最近的突發事，令我有點不知所措…平日的我好鎮定，今次有d "cake"手，點算好？要諗鑊勁先得。
好，明天開工，豬年快樂﹗

多心

好耐無寫「私人字」喇﹗
想update好耐，都係0個句，好多0野想記錄低，但次次一坐0係電腦前，總會想起有n樣0野要做，硬係好難得閒。呢排都做0左幾多0野，11/1-15/1，再次出日本trip，講真，呢次唔太恨去，一來12月至去完，二來今次係獨行trip，冇photog跟，自己跟住堆唔熟0既人，係考驗。結果，好彩係順利完成。可能我本身比較依賴，加上係路 “痴”一名，從未試過一個人去旅行，今次經常一個人周圍行，一個人搭JR、一個人食0野、一個人shopping…無0係東京迷失，太多喇，好特別0既感覺，亦都好似幾有型，雖然有時感到幾孤獨，不過好free，哈哈﹗想upload相，記下回憶，不過acd see唔生性，搞極到搞唔掂相0既size，upload唔到，下次先啦。
上星期用免費飛睇了自己唔會俾錢睇0既《太陽之歌》，比預期中好睇dd，唔算太悲情，有點勵志，有點可愛。好笑0既係，戲中講女主角因病唔見得陽光，要日頭sleep，夜晚才可出動。我無病，但都好似係日頭sleep，夜間出動喎，hehe。
終於收到由加拿大寄來0既請帖，期待的，期待睇住識0左十幾年0既佢、曾經日日”bowl”電話粥0既佢結婚，太好喇﹗3月重有另一單喜事，ex-同事先ex-上司結婚了，本來好似唔係太多人睇好0既一對，率先結婚了， um……話俾大家知，世上無咩係無可能0既，都算係好正面0既message，希望07年大家都好啦﹗^^
為了新年0個兩日假，再次投入忙到pk階段，Valentine?無時間諗，趕住安心過新年，不過放埋星期一、二，只係多2日假，唔抵啊，唔算賺﹗
尋日收到一個很 “灰”的sms，對方好似好唔開心，哎，雖然大家平時好少接觸，不過如果佢叫到，我一定會出0黎同佢傾傾。好多人都好似好唔開心咁，點解呢？雖然我都好似係。
唔知點解，近來有d多心，各方面都係，雖然忙，但都好多0野諗。唔得啊﹗
加油﹗又星期一﹗