Working Boxing Day

現在係2006年12月26日，即係boxing day，訓醒要返工喇﹗

不過25號可以唔使返工，已經算好好彩，承蒙上司大恩，獨力跟稿，全組人得以星期一有假放，呢次好感動，呵呵﹗

又一個聖誕節，沒有太太太難忙0既事發生，都係0個句,人0左，已經唔覺得大時大節有乜咁大不了，正如早幾日同前輩傾起，佢話寧願聖誕開工，睇0黎係有D0野要逃避、負擔著某D困擾……其實我都唔再覺得聖誕節要大玩特玩至得，要諗有咩搞反而好傷神，只想多一日休息時間，抖下、歎下。大時大節，行親街，見到滿街要開工0既人，就覺得佢0地好慘，平安夜0個日，我都經歷0左試衫唔0岩，繼而被sales"西面"0既場面，如果係平時，我一定會反撃，不過見佢大時大節要開工，仲要係OT 0個隻，別怪她，可幸我唔係sales或waitress。

回想上一個聖誕，好多0野都變0左喇，自己、身邊0既人、事……原來呢一年間適應0左好多改變。好懷念某d人、某些事，不過我知，好多0野唔會再返到轉頭。好彩0既係，有d友情唔見0左，又有d新0既出現，過去自身0既不足，到今時今日亦有d進步，希望幾日後0既07年，一切會更好。

睇了《傷城》，原本想等"口碑"至睇，不過聖誕好似點都想搵套戲睇下，無諗過睇黃金甲，一於睇N年前偶像金城武啦。唔算好好好睇，唔差0既，不過最好唔好同《無間道》比。
好唔明舒淇個角色點解咁二打六，見佢成日出0黎宣傳，以為係"女主角"啦，點知係一個咁無謂0既啤妹，諗諗下，舒淇冇乜戲令我有印象，只有《玻璃之城》。金城武依然幾型，唔係靚，係型。其實聖誕，都係唔係好0岩睇d咁血腥0既戲。

人大0左，得到0既0野愈黎愈多，不過好似而家咁，唔大唔細又有d尷尬，唔係0靚妹，唔會再有好多人當你妹妹仔咁錫住你，唔再係新人，冇"唔知道、唔清楚"0既藉口，但係其實本身又仲有好多0野未識喎，呢個情況好難得到體諒，0係屋企，雖然係最細0個個，但係已經出0黎做0左0野幾年、俾家用，0係呢個唔大唔細位，又有d麻煩0野出現，好煩。

寫0左好多字，可能因為唔太眼訢，以為可以寫到眼訓，唔work喎，妖﹗

今日有d語無倫次，講0野冇邏輯、冇組織，應該係假期後遺症吧。

聖誕快樂﹗

Merry Christmas﹗

THESE DAYS

THESE DAYS 1

THESE DAYS 2

THESE DAYS 3

假vs假

唔見0左一排,因為我放0左個長假，計計埋埋好似有成12日，好似幾多，不過去飲、去旅行、做節，忙呢樣、忙0個樣，咁又忙0左一個假，放假呢個terms好似有d假，因為唔返工0既日子都好似好趕咁，不過呢種趕，當然令人enjoy得多。
序幕，上個再上個星期5，即係臨放假前0個日，同同事去筲箕灣食0左個荼餐廳巨扒餐，其實已經飽到食剩好多，唔知點解返到公司見到有條靚靚0地0既蕉，忍唔住食埋，結果頂足成晚，通完頂返屋企，唔舒服持續，星期6訓到咁上下，趕起身買飲衫，開始去到邊呵到邊，星期日更灰，發燒咁滯，應該係個扒餐x蕉"瀨"0左0野，為0左星期一0既飲宴，喪訓，好彩，星期一朝保持清醒，出發做姊妹。
第1次做姊姊，幾緊張的，加上朝早大塞車，嚇餐飽，而且好尷尬。好彩成日都好順利，可能因為呢個係一個好溫和、好斯文0既wedding party，冇game慳番好多力水，不過搞成日都好很攰喇，到而家都諗唔掂何解當年家姐結婚要搞咁多0野，太麻煩喇﹗恭喜Winnie，一個唔似大我7年0既姐姐，可以0係工作上認識到真朋友，談何容易。今個月，實在太多人結婚喇，徐子淇又結婚喇，日日都見到婚紗相，有d厭。
13/12-17/12，日本閒逛之旅，繼7月短trip，今年第2次0係東京出沒，其實0個次trip都唔算有行過咁滯，計落有成5年冇去過日本喇。得幾日假、又唔想洗好多錢、又唔想去大陸住，有d地方又唔想去，冇得揀，Japan啦。今次預0左求其閒逛，冇乜目標，加上已經過0左會用幾千蚊買1件心頭好0既年代，算係平淡但舒服的日本之旅。結果，每日不停食食食，都有不停行行行，因為不嬲係儲物狂兼買物狂0既我，再次忍唔住買0左好多唔等使0既0野，見到衫平又忍唔住買，買下買下又一大堆，好彩，整個旅程0既洗費控制到0係我預算之內，冇太過火，yeah﹗
聽日要返工喇，竟然有種小學生放完長假，唔慣亦唔想返學0既感覺，有d難頂……都要頂0架喇，要賺錢就要返工喇，努力努力努力﹗
今日收到個令人唔太開心0既sms，成件事似是唔關我事，實質都影響到我。難過、亦失望，從來知道人不可以貌相，但係當時人實在太唔似咁令人失望，人誰無過，但係佢衰0係d咁0既位實在太傻，聽日要了解成件事，希望有轉機，唉。
加油，就快到X'mas，應該是開心的。

Start

Start