買0左喇…不過好似有d搵笨…

忍忍忍忍忍

今日好開心，因為訓得好好。剛過去0既一周好顛﹗好耐好耐冇試過辛苦成咁，星期3、4都通頂，夾埋訓0左7個鐘都未必有，眼都幾乎撐唔開，仍然要勁趕勁趕勁趕勁趕勁趕勁趕勁趕勁趕勁趕……騎呢0既係老細未至於狂催，只係0係星期4朝留0左個幾權威0既留言，反而係班art勁俾壓力，嬲﹗你0地日日坐0係度好辛苦咩，我0地人又唔夠，日日出去跑完仲要埋頭寫稿，飯都冇得食都係咁啦，pk﹗算啦，人係自私0既，其實都冇錯。捱埋啊﹗﹗﹗忍忍忍忍忍忍忍忍忍忍忍忍忍忍……

公司樓下，一條俾人感覺好蕭條0既街，半夜走0個陣更冷清，未至於驚，只係覺得好冷0者﹗
新買0既蛋 tart手耽，被頑劣0既同事偷偷放入肯得基葡tart盒，澈氣，不過好cute﹗我鍾意食tart﹗
0係勁忙碌0既一日，醒起未為新座位影過相，不過呢一刻只可以用好很亂0黎形容，趕稿啊，成檯都係0野，我都好執靚靚個位，不過，有時間0既話，我寧願趕返屋企訓覺。

上星期阿媽突然話想食自助餐，大佬吹雞，鐵定今日，局去，其實我唔係好鍾意自助餐，唔想局自己食好多0野,又唔想回唔到本，只揀貴0野食又傷神…BB都有去，免費食0左D bread&fruits，當幫手返本。突然醒起好耐冇出現家庭活動0既我，好耐冇埋過單，即爆出一句「今次我請啦﹗」其實呢幾個月有好多錢要洗，窮，不過算啦，冇得計﹗

新城市廣場

新手提影0既相都未算太差0者,係d色曳d囉，一分錢一分貨通常冇錯﹗今日開0左個差唔多3個鐘0既會，help﹗﹗﹗9點左右閃，都算早放0架喇，不過搭得車0黎，再食個飯，已經咁0既景況，吉晒﹗
賣相ok，但味道唔太討好0既湯，令今晚胃口唔多好。

仲有成個月至到聖誕，新城市廣場已經開始搭聖誕景喇，今年玩lego熊配相機，配搭有d怪，不過幾有新鮮感。又到聖誕喇﹗

期待

好耐好耐未試過一個星期一可以早過十二點走，唔係奇跡，係局住提早做晒d0野0既結果，唔知係唔係好事。
期待，似近還遠0既大假，好耐冇放過假，我要抖下﹗
期待，集體訂購0既新相機，終於的起心肝買相機，電話0既相機功能即時變得唔重要，順便換部平價手提，之前已睇中，終於到手，都唔樣衰0架，白雪雪，同黑抆抆相機好襯，呵呵﹗
期待，訂0左好很耐0既手表，幾乎等到一個唔想要0既地步，終於有兵，不過仲係要等買，算啦，咁耐冇買過表，都係榜水啦﹗
上星期脾氣唔好，要改改，唔可以咁易發脾氣，現實係，好多時要向錢低頭﹗
提早一日出書，令好多0野都要重新調節，雖然只係一日，老實講，弊多於利。上星期為例，星期一趕完一期，星期二就要交下期題目，可以早dd走，都講緊係十點，星期三開始忙，不過都漏夜去了同事的生日party，去一去係輕鬆0左，不過第二日就灰喇，星期四頻撲完一日，都仲要通頂寫稿，星期五，在影相，老細以為可以交埋稿，唔得喇，投降﹗點搞…
Ex同事兼朋友轉行了，唔知係唔係好消息，忙0左咁耐，可以抖下都好。知道佢0既轉變一段日子，未得閒，亦唔好意思急住深究，今日終於有機傾多兩咀，真好。睇得出佢股怨條、怒氣，唉﹗處處有壞人，應該係不變0既定律，最緊要唔好太易信人，thanks for ur sharing﹗^^轉行，一個令自己困擾0左好耐0既topic，處女座0既你成功轉型了，幾時到我？應唔應該呢？好多個問號，不過呢一刻，都係訓覺先，聽日又要博殺，本周有大單0野搞，星期三、四都會好地獄，頂住，頂住﹗

冷

呢幾日涼0左好多，係時候換季喇﹗因工作，日日要行街，但冇時間買衫0個下好灰。唔止天氣冷0左，公司都愈0黎愈冷，新公司冷氣勁過籠唔在講，最重要係感覺同以前好唔同，以前就算工作幾辛苦，返到公司都覺得好開心，好似有好多朋友同自己一齊拼博，唔會孤獨。但係而家公司彷彿只有同事，做0野就係做0野，有點0係舊公司0既冷清感覺，獨自奮鬥太寂寞，好冷…
其實人生都會有好多開心事，我都唔想成日0係blog呻呻呻，不過日子總係太busy，唔知想點。今週係灰中之霸，本來個個以為老細放假會輕鬆0左，唔會囉，原來係更灰，最不幸係撞正下期開始提早出書，即係今週少0左一日預備，影相、寫稿趕到爆之際仲要跟足成份稿、幫埋同事跟稿……好煩好煩，下星期重要做多份，唔敢諗﹗我要放假﹗不過放假之後又點呢？都係唔敢諗。
星期一至五，0係公司0既話一定食得好灰，今晚打了邊爐，好滿足。呵呵﹗