唔好唉啦﹗

灰Monday即將來臨，仲要再一次係公眾假期，太過份喇，點解成日都係撞0岩最忙的星期一。PK﹗過多陣又要開始寫稿，唉……
尋日見到家姐個仔都寫blog，有d驚訝，得0個十一歲就識upload佢偶像朗尼d相上blog我十一歲0個陣連字都未識打多隻。呢個年代真係悲喜交集，細細個就識咁多0野真好，不過咁細個就知咁多「事實」亦未必係好事，唉……
向來對Halloween未算太熱衷，唔知點降今年Halloween個勢好似好勁咁，周圍都係南瓜南瓜南瓜南瓜南瓜南瓜南瓜南瓜南瓜南瓜南瓜南瓜南瓜南瓜南瓜南瓜南瓜，唉……
今日終於的起心肝、搾出時間去剪髮，染番頭頂pat黑髮。染番一刻，望見鏡中圓碌碌0既面，好驚，好似波，唔可以再咁落去，唉……

失預算

失晒預算啦呢次﹗老細本來話今個星期放假，今日至知改0左期，其實又唔係話有好大分別，因為點都係要做，不過…唉﹗原本諗住聽日剪頭髮，冇啦，要開會。
戴0左幾年0既晶鏈，今日斷0左條粉晶，執唔番晒，得幾粒咋…其實我唔太信水晶能量之類0既0野，只係當日常飾物戴，粉晶係中七暑假認識0既朋友Natalie送俾我0既，好懷念0個段日做夜做，但做得好開心0既日子，都好掛住佢。
好友送0既Pre-Halloween禮物，好鍾意，唔捨得食，thanks alot!^^
其實我唔係幾信特濃朱奶會係低脂0架，不過太好飲喇，一出即迷上，好耐冇飲喇，如今飲番，唔知點解好開心﹗
訓喇﹗新一期又開始﹗

壞人

本來星期三朝返到屋企，係一定唔會上網0既，不過今日有點先抑鬱，想寫幾句。又本來星期一預0左辛苦、慘情的，憤0左，今日都算順順利利0既。後來接0左幾個麻煩電話、再知道不斷有麻煩0野上身，想做死人咩，好"掹"啊，發0左少少脾氣，好煩，妖﹗壞人，唔該遠離我﹗點解真係處處有壞人0架﹗

恍惚

最近星期六必做0既事，係迫自己5點半起身睇卡通，其實好耐冇睇過卡通，唔係，係電視至0岩，不過因為細個有儲呢本漫畫，加上本漫畫出0左N年都仲未大結局，吊0左癮咁耐，難得有動畫睇，重要係fit到自己0既時間，要撐。
夜晚去0左apm，諗住撐下同事介紹0既Mos Burger，點知9點去到話8點已派完籌，仲要熄埋燈，明明話12:00am至close，激氣，好彩0係無印買到0野，條氣順番﹗宵夜再去永興食豆腐花，好滑，好好味，連負面情緒都淡晒﹗
雖然好似自工作以來都冇得閒過，不過最近真係忙忙忙，做到好呆，殘，精神而好似好恍惚咁，癲婆一般，幾時至可以有多d人做0野啊？幾時至請到人啊？Help，very tired﹗ 睇錢份上，都要努力、努力﹗
尋日見同事被老細小鑊勁，雖然主角唔係自己，不過都有d難過。睇得出都真係同事做得未夠好、時間亦掌握得唔夠好……但係0係嚴重缺乏人手0既情況下，大家仍肯賣命0既時候，應該體諒的。呢個世界係唔公平，我知，所以我無擺太多時間、精神去抱怨，用實力去打擊攻於心計0既人，係而家唯一可以做0既事。望住張稅單，更加發覺點怨都冇用，加油﹗
前幾日做0野撞到舊同事，好耐冇見，都幾開心，對方突然爆出一句︰「我就0黎結婚喇﹗想請你飲……」恭喜晒﹗不過，又飲喇，好窮……
心有戚戚然，keep住。希望時間可以沖淡嬲怒、酸溜溜、懷念、婉惜0既感覺。

中秋節快訓﹗

10月5日，中秋節前夕，請了病假，乘機休息鑊勁係好事嗎？未必，因為注定10月6日中秋節正日做到pk。結果，好耐未試過一個下晝咁奔波，好有型，拎住x袋0野走遍銅鑼灣……當然冇早收返屋企造節，因為星期3已經做0左，結果成晚都0係公司「過節」，冇乜難過0既感覺，慣0左，反而有種難得唔使出街同人迫0既感覺，可能真係睇化0左。夜晚係同事0既生日派對，都缺席了。今年買0左個金魚燈籠，都幾cute。
為0左彌補星期四，聽日要一早返公司影相，希望順利。
過0左中秋,就0黎涼喇，就會好想時時刻刻都可以訓覺，收埋自己0係被竇，zzzzzz……

公眾假期，唉﹗

聽日係國慶公眾假期，又係撞正忙爆星期一，又無得放假，咁都算，最灰係今個星期超多稿，而家準備開工了，呢d時候，心情特別沮喪。希望，辛苦真是值得的。

朋友，因了解而分開

我會記得今日(9月30日)，唔止因為係大佬個仔1歲生日，更因為我今日失去了一個朋友。佢無死到，只係大家心已死，第一次俾人用sms插得咁勁，問心，我是無愧的。我知道我份人好直接，不過只限於對我所在乎的朋友，工作上，我可以好假。估唔到對方咁諗我，諗到我咁衰，不快至極，用心對人好，真心竟被全扭曲，自細最憎俾人屈，好無奈。原來真正朋友係要盲目支持，都幾cute。我支持我0既朋友，但係我唔盲目。我知忠言逆耳好難聽，但係都希望有人點醒我，我信當局者迷。
假使有日呢個人睇到呢個blog，我希望佢明白，我係真心想你好，"暗串多過祝福"係你一廂情願0既諗法。你唔需要原諒我，因為我唔覺得坦誠係錯，最多錯在我自以為同你好friend。你曾經話過，我可能係世上最支持你0既人，問心，未必係最0個個，都會係頭幾位，可惜你唔再需要我呢個朋友，okay，我已學會放低，做個hi-bye friend吧，我就會容許自己對你假一點。祝你幸福﹗(發誓，呢句係真心0既。)
曾經因為sms同你投緣，再因為sms而同你決裂，諷刺得很。
Dear Friends，
我會繼續做返自己，雖然我今日好唔開心，不過我會努力。最近好忙，好少搵你0地，sorry，我知你0地會體諒我。就算未必有人得閒睇我個blogz2都好想同你0地講聲，Thanks for ur love!
好地獄0既一個星期，有同事出trip，3個人要做2本書，壯舉。人好攰，有點呆，希望盡快過去，要部署放假至得，我要休息﹗