咩世界﹗

有d人，原來真係要埋身相處，至會知有幾"難搞"，以前人0地話我知佢顛我唔信，家陣我用軟0既你唔受，搞到我發嬲，以後我都唔會客氣，谷鬼氣﹗唉﹗滿以為請0左2個人日子會好過d，點知有個做0左4日竟然半夜十二點幾嗌辭職，呢個咩世界？
呢幾日天氣好好，好耐冇見過猛烈陽光。其實都好想去晒下，不過而家健康冇咁好，有時晒得滯會頭暈，應該好難去沙灘…要鍛鍊番好d身體，加上肥0都0都body，唔keep唔掂，唔想嚇人。
又要準備寫稿了，help!!!

剌身

突然好想好想食剌身，本來諗住今日星期三，應該可以早收早飛去食，結果又要理下新同事d0野，再加埋自己d0野，搞搞下又9點至走得，一邊搭車仲一邊要打公事電話，個人靜唔到落0黎，有d辛苦。
食完飯，行左陣，又十一、二點喇，好似好攰咁，其實今個禮拜早0左完成上期，又早0左開始0黎緊0個期，進度都幾好，不過都仲係好迷惘。好想好想休息下。
聽日好早開工，都係早d訓先。zzzzzz.....

久

再一次好耐冇寫blog，第1個原因當然係忙爆，第2個原因好古怪，我0係屋企居然上唔到blogspot，而家都係試驗性質咋﹗
每日依然有無數值得記低0既事發生，好可惜我冇時間記低咁多，甚至呢一刻我都好似唔知自己想寫乜。
上星期5被恨恨教訓了一頓，對方態度算唔衰，但一連串0既「質問」，再次解釋等如掩飾，委屈感覺好強烈，連不嬲硬淨0既形象都放低了…極度唔開心0既一個晚上。可能我都幾易氹，呢兩日冇事究發生，我又準時交稿，對方今日態度又好好， 我又冇事喇，開心番，冇性格。
最近獲委任同以前唔同0既工作，挑戰性大了，會忙左定係輕鬆0左仲係未知之數，希望係後者啦，再忙，我真係頂唔住喇，加油﹗公司多0左好多新同事，左右兩邊位置已人面全非，最唔鍾意適應，偏偏成日要重新適應，遲d仲話要搬office，大碌﹗
上星期同best fd慶祝生日，都唔算慶祝，請佢食餐飯咁啦，完全feel到大家都大個0左好多，除0左個樣，咁就識0左十幾年喇﹗計計下做0左呢行都差唔多3年，就算想走，真係走到嗎？再度迷惘，想諗，不過我太懶喇﹗
6、9、同12月都係放假0既好日子，諗諗先。
實在太為食了，要節制﹗