又要博喇﹗

小假放完，訓個靚覺，明天又要開始努力。
剛打完麻雀，好似好耐冇打過，竟然贏，聽日應該會lucky。而家都係0係樓下0既白痴仔網吧，電腦未整好，唔check下e-mail唔安落，當豪幾蚊飲杯可樂啦﹗4日小假，好多想做0既0野都未搞掂，特別係執房、剪髮、配眼鏡，不過呢幾日已經好充實下，行程緊密︰陪朋友搞結婚事、慶祝生日、BBQ、布袋澳海鮮、西貢甜品、聚舊、shopping、飲茶、睇小說、high 2個鐘tea、打麻雀、玩BB……做左好多野，不過如果再有多D時間訓下就好喇﹗
好似係由中學開始，我已經同夜晚friend d，下晝唔肯溫書半夜至0黎刨，大學又係咁，加上長時間0既part-time，返到屋企至趕功課，應該熄燈0既timing至係我精力最旺盛之時，所以阿媽成日話我0徙電，可能因為咁，話極轉行都轉唔到，家陣十二點幾，我都想早睡早起，訓唔到嘛﹗睇番細個0個陣0既日記，通通係半夜寫0既。幾時我至會做番正常人……因為成日夜訓、加上大個之後鍾意聽收音機多過睇電視，深宵節目常客。尋晚睇左本有d乏味0既小說，不過都睇晒，唯一好睇位係男主角係深宵節目DJ、女主角因失戀無啦啦聽0左0個個節目……其實呢個世界有好多人夜晚都唔捨得訓、訓唔著、又或者係想訓而冇得訓，有收音機陪住warm好多，咁0岩尋晚睇書0個陣唔係余而發做節目，換0左另一個唔知咩女主持，播0既歌雖然全部係中文歌，但係都幾好聽。
偶爾會為下0左0既決定而後悔，工作上、人際上等等等等……不過我份人太驚後悔，座右銘亦係盡量唔可以做令自己後悔0既事，唯有努力兜番，令自己好過d啦﹗
好想去旅行，但係唔想洗錢，好想買0野，但係想慳d，發現呢幾個月洗大0左，所以好想儲錢……即係話要努力搵錢。聽日，再加油﹗﹗﹗

小假

放自己2日假，連埋六、日，即係4日小假，抖一抖，做需要做的事、喜歡做的事。
不過唔知點解放親小假總會遇著想加參與的工事，12月時係咁，今次又係咁，其實都幾想睇下聽日單野，見識下大場面無妨，但係放假要緊，算啦，何況上司想我今次整單難度幾高0既"大野"，今次冇咩信心，當自動棄權。唉，有時呢d出席functions位會幾灰，成日都睇得出上司唔想同自己一齊出席任何場合，又唔係話好恨拍住上，只係感覺好有隔膜，永遠好階級分明。朋友講得0岩，因為錢而留低，即係問題冇解決過，係，係自己揀，所以冇得好講，打份工0者，唔理咁多，做好本份，不過呢排好似懶左﹗
呢排成日都追睇徐步高0既news，的確幾好睇過好多小說，希望永遠唔會再有d咁0既人。
其實呢排都有好多開心事0既，聽日同朋友試新娘妝，悶硬，不過friend底冇計。食食食埋個3月，要檢點d﹗
閃。

報應

好癲，因為而家0係網吧。
唔係傻0左，只係今日唔太多0野做，影完相發現公司冇乜人氣，亦無人陪食飯，快快搞埋d0野走人，上0左車至發現唔記得send2個重要e-mail，但屋企電腦又上唔到網，食0野，再去屋企樓下白痴仔網吧。坐下、做下0野囉。
原來，呢個世界真係有報應。
當日誣蔑我的兩個人，一個權力大跌，一個尋日被炒了。我以為我會好心涼，點知又好似冇，唔知點解。開心0既係當日佢唱衰我、屈我，我打去小佢時講過︰「既然你知我唔係咁0既人，都要咁話我，你今日為0左個八婆做d咁仆街0既事，第日佢有咩事你實第一個收皮。」中晒。而家收皮啦，唔會唔係報應0掛。人總係好反覆，我會感激佢0地請我、俾機會我入行，一個曾教過我0野、一個不斷挑剔令我從中學到對自己要有要求，但係又好難忘記佢0地誣蔑我係小人，令我剛轉工，上司已對我有不良印象、令我的路更難行……如今，害我的人今非昔比，對我有不良印象的上司亦已轉行，時移世易，我過得更好嗎？唔知。

呢個世界太多壞人， 好彩有報應。

無奈

再次隔0左好耐至寫blog，不過搞搞下家陣都夜，所以都係未必暢所欲言。上個月發生好多事，個人0既掙扎、公司人事變動……麻煩。唔知今次揀得0岩唔0岩，唯有努力證明冇揀錯，唔好令自己覺得後悔。不過首先證明0左0既係，現實即係現實，錢影響力太大，理想都係鬥唔過錢，當你仲好需要錢。
最近都係好忙啦，不過未至於想死0既，只係好想抖下，所以拎0左2日假。
人生有太多無奈，加油﹗