Sad Mood

今日睇《真的愛你》，的確同《Love Actually》結構有d似，不過一喜一悲，天南地北。同想像中一樣咁慘情，估唔到0既係開場至中段一直都有幾多開心位，未必笑得出聲，但戲前同後段0既對比，足以令人覺得套戲堅襯番戲名《Sad movie》咁sad。Sad mood 0既一日睇sad movie都未嘗唔係好事，你苦，原來人地更苦，不過人地拍緊戲，自己唔係……

好多0野煩，煩0既同時都要多謝好多人0既關心，不過最終想點，都係靠自己。想買0野，行極冇0岩心水，應該係sad mood累事。

星期一喇，Good Luck﹗

岔子

突然出了岔子，計劃可能改變，還看星期一……永遠地獄的星期一。

明天

今天，春茗，抽唔中獎，只在廢爆bingo game贏0左份廢爆獎品，留番俾酒樓0既同事啦，成十二點至散，妖︿好彩d 0野唔難食，係條魚老d 0者﹗

只等明天一個電話，好多0野只成為回憶。

Good Luck!

新年快樂嗎？

鍾意講新年快樂多過恭喜發財，因為快樂重要過發財，不過，我發覺似乎周遭0既人鍾意聽恭喜發財多d，唔理，都係祝您新年快樂、狗年快樂、或者每年都咁快樂。4日0既新年假，話咁快就過0左，你新年快樂嗎？我好似唔係幾。上星期5，即係年廿八，3點幾放工，回家當然唔捨得訓，基本上朝早至訓，年廿九起身已是下午。買衫就一定買唔切，可以做0既只係衝去新城市買小小新年0野，唔知由幾時開始新年總會買新底，老套啊，吹咩。買0左少少0野，返家食飯，再出黃埔睇《最愛女人購物狂》，新年係要睇d開心但冇腦0既戲0既。之後又出0左去旺角行花市，都唔知自己點解會去，因為近年好似患0左人群恐懼症咁，可能係突然覺得，未必再有好多機會同呢班人一齊玩，開始想珍惜了，好彩係迫，但唔算超迫。年初一，冇跟媽拜年，訓到好晏都唔願醒，夜晚去0左拜年，再出0左旺角，又係不明所以，人好多，係超多，亂咁行。年初二，去家姐阿哥家拜年，回家抖抖，傾0左個長電話，再出去追多套《霍元甲》，夜晚，又係例牌地陪阿媽去車公廟，我諗我一生中最孝順只有呢個point，又半夜。年初3，訓訓訓，再的起心肝執屋，不過都係執唔晒，太太多0野了。4日，就咁過0左，快過乜。

今日開工，收到3封利是，好過冇啦﹗已經早0左開工，亦試過用心諗下d稿點做，進度好慢，可能我戰意真係好低，真的，想郁都好似郁唔到咁，動力呢？師兄們將去台灣威威，說實在是幾羨慕的，雖然台灣從來唔係一個好玩0既地方，不過可以同當地人溝通到、有d好0野食、0野唔算好貴、有夜市行、有丁屎潮流0野唔會好dirty、人薯但唔會太過7……都係台灣0架喇，好想去啊，不過呢個時候冇可能放假、亦唔太想用錢……唯有"鄧"人0地開心啦。托大佬買dd書，並且希望有甜而不膩0既蜂蜜蛋糕來調劑一下生活0既苦，今年生日前一定要去一去旅行。再講今日，上星期老細已通知今日食開年飯，搞笑0既係，我老細居然冇去，唔知下星期annual dinner佢會唔會又唔出現呢，實在太cute喇﹗

心有戚戚然，有點苦，可能有些事我看得太重了，要學習調節。

想upload相，唔知點解upload唔到，搞錯，電腦都玩我，妖﹗