無事，呻下0者﹗

想早起身，唔成功，1來落微微雨涼0左，2來大眾聖誕假0岩0岩至完，總係"仍"住出面唔會有咩新0野返，打下電話contact pr反而重要d，不過好多都好似仲放緊假，肯定"lung"下"lung"砌個長假出0黎啦，妖﹗

如常5點開會，0岩0岩趕到，好彩。唔係0係conference room開，氣氛係無咁serious，不過0係出面開就有好多騷擾，班大佬係咁0係對面搞搞陣，好想笑，不過笑親死硬，實話我唔尊重。加上今日又被訓話了，唉，本來我都覺得無乜0野，又唔係未俾人話過，講講講講講講講講講講講講講講講講講……聽完之後都知自己衰咩0既，好可惜今次我真係唔覺得件事serious到要講咁耐，而且當每次解釋總被認為係"掩飾"，算啦，認衰啦。散會，同場同事︰「哎呀，頭先佢話你0個陣我忍笑忍得好辛苦，0個個比喻好搞笑……做咩事佢好似咬住你唔放咁……」搞到我突然有種"俾人插，好慘"0既感覺，點解好似成日都係我，最慘係人地覺得你慘ar嘛。講真，我都知無咩工唔洗受氣(雖然都有d friend會因為俾上司話兩句就辭職)，無咩人會醒到唔會俾上司教訓……幾時都認為，做0野係為自己、為份糧，睇錢份上一定要交足課，只要間公司無會害我0既人，安全，就可以了。但係有時真係r晒頭，我係錯，但係又洗唔洗咁勞氣。有時都會諗，佢話過覺得我有進步0既空間、亦都有讚過下我，會唔會係對我期望高所以要求高呢？不過我估我都係諗多0左，好記得佢曾經講過「你唔係我點知我諗咩」，係啊，真係唔知佢諗咩，都溝通唔到。從來唔認為呢個老細衰，佢善良、只係不善於同我溝通0者，我都努力過了。算啦，睇錢份上，都要努力。

灰灰地收工。今日可以早走的，不過都走0左去CWB還袋貨，再趕去買食送，今日玩煮飯仔，好耐無出過手喇，不過最後都係做食0個個，哈，開心番﹗

收到ex同事電話，一聽就知佢唔慣，有好多苦想訴，但又唔想表現得太慘。無辦法啦，由晚9朝50既生活一下子變朝9晚5，而且性質咁唔同，應該預0左。唔慣唔慣終需慣，明顯你鐘意做記者多d，又如何，聽佢一句「不過我知道我條路應該咁行」，放心晒，知就得啦。好過我都唔知自己條路應該點行。

唉，再prepare下明天0既工作先，免得再被插準備不足，好多時我都想well prepare，不過，時間呢？

不可不買﹗

同事猜回來的迷你夾公仔機，呢期must have﹗唔包豬仔、鴨仔，不過倒入去之後發現出奇地襯，超好玩。一直認為呢生人一定要一部私人扭蛋機&夾公仔機，因為貴，唔捨得實現呢個夢想住。估唔到家陣咁平可以擁有、仲要係咁好玩，希望快d有貨啦﹗

小假~小記

我都知我個位好亂好亂，好多人叫我檢討，我有執啊，不過幾時都話，有時間我寧願返屋企訓，邊得閒執0野，最灰係無乜位寫字0者。呢個巨型計數機係2位師兄送0既，好鍾意，我鐘意巨型0野。^^
終於有時間行下書局，無咩收鑊，只買了Wyman0既《潮騷》，唔係懶潮，而係真心鐘意呢條肥佬0既文字。寫fashion、寫詞……都咁到肉。
今年0係工作上收到0既X'MAS gift麻麻地，私人收到0既就ok，最唔貴重係呢2盒朱古力，由唔同人送0既。都開心，因為有heart，知我最愛Royce，老老實實，雖然不嬲愛bitter多d，不過milk都好食。
成街都係人，多到馬路"塞人"，好驚。最驚係"長金會所"，咩0黎0架？
25/12/05，尖咀，最愛對面海聖誕老人踩波車燈飾。怕多人，好耐無睇燈喇，我份人好似真係愈來愈乏喇，弊﹗
中環LV門口可以多人成咁，好可怕。懷疑自己開始有人群恐懼症，見到咁多人，即閃﹗
如果地鐵可以整多條線就好喇，不過愈富愈孤寒，唔知要等幾耐，支持興建又可以點？
赤柱，其實真係幾靚，除0左咁，仲有咩可以引你0黎？

平安夜0個晚，餐廳走出幾個賓佬賓妹feel singers，先唱出一首不知名語言情歌，再0黎Tonight I Celebrate My Love For U，跟手一束花。原來係求婚，拍戲咁款，唔知點解我又唔覺得好浪漫wor，幾eye catching 0既。有咁0既回憶，可能都幾好0既。










聖誕假呢幾日，無太特別0既事發生，一如以往地覺得放極唔夠、放0左等如無放、後悔放0個陣無做咁咁咁咁0既0野……聖誕節，又如何？個心"仍"住聖誕節應該係好浪漫、情緒應該好高脹……我只係覺得好平安0者。希望下年0既聖誕節，可以有足夠時間、金錢，去買禮物俾身邊0既人。^^

MERRY CHRISTMAS!

MERRY CHRISTMAS!

老套嗎？都係要講﹗
自從出0黎做0野之後，每年都有買盒Christmas card，想，寫幾句說話send俾好耐無見0既朋友、又或者冇乜機會同佢講0野0既同事，不過，只得個想字，每年都係好趕咁做完手頭上0既工作放假，結果，一盒又一盒年復年無郁過。今年我0係PP買0左2盒香港保護兒童會出0既聖誕卡，都幾靚0架，估唔到0係PP呢D地方可以買到幾十蚊盒而又靚0既卡，只可謂今年我亦冇將佢0地寄出，唯一出動0既，只有隔離呢張0係CITY SUPER買0既聖誕卡，今日買0既，有折添，真好﹗

尋日返屋企之後，執下0野，再UPLOAD番下面0個埋「都是那些日子」相上網(其實係突然發現終於可以再由手提過相入電腦，開心得滯想UPLOAD番呢排影過0既生活相)，已經天光，本想今日下午早D起身執房，點知，搞下搞下，4點清醒，5點半至爬落床，簡單梳洗後即出去見舊朋友。一個由小學識到依家都識0左十幾年，其餘兩個中二計起都識0左成十年喇，搞咩啊，時間過得真係快﹗有兩個成2年冇見過，大家都冇乜點變，只係做文職0既著得ELEGANT0左，望望自己，重係SNEAKERS蒲頭，外人睇起上0黎梗會覺得我唔多尊重場合。見面，感覺都幾好，只係有D我唔希望存在0既"介蒂"竟然健在，都咁多年喇，本性難移永遠是對的。

希望每個我識0既人，唔止聖誕過得快樂，而係將來每一日都咁快樂﹗^^

都是那些日子4

都是那些日子3

都是那些日子2

都是那些日子1

處女座

處女座，真係一個好很麻煩0既星座，執著、挑剔、死板……話就話係追求完美，其實自己最唔完美。有時覺得自己好麻煩，但係又會好鍾意同處女座0既人合作，因為佢0地通常好認真。以前唔會篤信星座，人大0左，發現星座又真係有d中point，希望身邊0既人可以諒解我"0既"先天不足"。

放假了，要開始久違了0既聯誼活動，我已經唔算多朋友，多friend 0個d人真係唔知去得邊。今晚同舊朋友食飯，我太遲收工喇(雖然對比平時已經好早)，搞到乜都好趕，真唔好意思。原來我0地真係0左好多喇，唔怪得有咁多煩惱。

本來今個星期四五係聖誕假0既補假，不過星期四要開工啊，真灰，希望快趣搞掂啦﹗
突然好想講 Merry Christmas﹗

反省

今日差唔多整日都0係公司，邊等稿邊執，好似幾他條，其實都部署緊下期做乜，為放假而努力﹗下午有個PR打0黎"相認"，原來係中學同學個家姐，講講下，都好耐冇見過佢個妹喇，講真，同佢從來算不上好熟，不過好人一個0黎0既，如果身邊是非少D，可能大家會更投緣添﹗

呢排手仔唔再覺得好凍喇，因為病好7788，係唔知點解仲成日咳。好多謝睇到我個BLOG，而特登寄個鴨仔暖袋俾我0既前輩，WARM死，不過收到至今都未用，唔捨得用，鴨仔，用0黎擺好D，我有自備CHEAP CHEAP暖包。

有人問隔離少0左個同事會唔會好悶，都咁大個人，仲下下有人陪咩，以前做0野0個度仲悶啦。人生，有好多0野要學習，學習面對分離、面對孤獨。

反省，有時會覺得自己唔多識體諒人，雖然我自己好想得人體諒。

好彩

星期五如常地通頂，加上係Maggie 0係呢度最後一個工作天，照舊一齊食早餐，，都係朝早6:00a.m.左右，不過今次有0的驚驚。落到樓下，行0左幾步，同事們見到有個低層單位出租，大家企0係馬寶道中心議論幾分鐘，之後行去前面條街0既"有您有我"食早餐，有個阿姐好驚咁跑入0黎話馬寶道有人跳樓啊，唔係0掛，0岩0岩至0係0個度行過0黎，唔到5分鐘，阿姐講多兩句已抱埋隻狗走人，警車、救護車急轉灣。忐忑，食完早餐經過離遠望，真的，仲要係剛才出租位附近，唉。時間太接近，總覺得佢一早已0係上面，只係見到我0地所以唔落0黎住，多謝，希望你得安息。

突如其來0既"暴動"無為我帶0黎太多不便，只係覺得警察好似突破變得好無辜，不明所以的捱打捱罵(雖然我以前對警察完全無好感)，圍觀0既人，特別係0個d帶住細路都要睇"熱鬧"0既家長好無知，好彩無事，如果有事最抵死就係你0地，都叫你0地走0架啦，係人都知窮農民俾有錢國家蝦緊，但係要幫唔係企0係度阻住晒，如果示威好人當中混0左幾個衰人點算，香港人有時真係好x低B﹗查實"暴動"中0既星期六我都0係港島區。0係沙田快速買完禮物即返公司搞埋d手尾，之後就落銅鑼灣farewell Maggie，未見過CWB可以咁冷清，好有型。難得0既抽獎活動都幾益智，我諗唔係下下要擘酒至開心0掛，抽到份護膚套裝，都OK0既，我自己就買0左個樂天熊仔餅shape暖袋，我覺得佢好cute 0架，熟我0既人會知0係寶卡之前，我最鍾意食樂天熊仔餅，個暖袋係一粒超大熊仔餅，得意死，唔捨得買俾自己，買俾人都開心，估唔到有人同我一樣買呢樣，可惜抽中0個個以為係cheap0野唔鍾意，好浪費，0徙晒。Maggie走了，以後再孤單一點，希望佢0係第2度一樣咁開心啦，不過睇佢呢生人都算幾lucky，應該繼續有運行0既，good luck﹗

公司好多人鍾意聽劉若英0既《後來》，以前我都覺ok，melody好，不過Kiroro比劉若英唱得好，劉若英係一個幾有味道0既藝人，特別係0係戲入面，只係唱歌0既腔口老套0左d，感情搭夠0左就ok，其實《後來》最好係歌詞，有些人，一9錯過就不再……可惜聽得太多，難免膩。最近有新歌《一次幸福的機會》上台，改變不了0既陳舊唱腔，不過歌詞依然老套而厲害，在那麼有限的生命中，能被所愛的人深深愛過，或許不該再奢求再怨什麼，世上的遺憾本來就很多……係啊﹗

唔抵得

仲係好凍，本來今 朝想早d起身出發，結果0係被竇"典"半個鐘至起到身，加上凍冰冰0既四肢行動太慢，出到去都唔多早。為0左唔想自討苦吃，揀好似平靜d0既tst 0黎行，之後為0左買organizer(因為好想0係過年前買，睇見ok就要快)特登去0左cwb一轉，其實都唔太想(不過聽日又要0係0個頭出現)，再過皇室堡買magazine，撞到周事喎，一齊搭的士返公司，家陣逢星期3要5點返去開會，其實都幾早下，不過早開始早收工，都好0既。夜晚0係新城市食飯見到老鼠，灰，好彩離我好遠，都好大隻0架，應該係食0左老鼠藥行唔郁，雖然好驚，不過屋企人做食肆，我都明白根本冇可能冇呢d0野0既，係我唔好彩0者，不過見到餐廳女侍應個驚樣好笑，佢驚到沿住條圓柱行，嘻﹗

有d人，真係令人幾唔抵得。以前覺得張柏芝生得靚，又識識地做戲，有把咁0既衰聲，個天都算幾公平。後來變0左人乾，吸引力急跌，不過上升0既係財富、知名度，有好多錢，可以買好多好多唔知點解佢會睇中0既LV、又可以狂粗著冇品味可言0既Ape。有d人，屋企有個錢、由細到大冇乜錯折、生得唔樣衰、又識自我調節到以為自己係世界中心最受歡迎0個個、遇到困難又識不擇手段解決……一直覺得自己雖然冇咩特別叻，不過四肢健全、肥肥白白又冇乜大起大跌，都算lucky，所以都唔會點妒忌人喇。不過問心，真係幾唔抵得呢d人。

老細話應該1月19日會出bonus，不過唔係全部，好過冇，快d啦快d啦﹗

點解要跳海

今朝5點幾至返到屋企，12點又要在公司出現，淨係除低身上0個堆厚衫都花0左好多時間，再加埋0係被竇取暖0既時間，合上眼0既時間真係唔多，所以起身0個刻真係好難受。更加諗唔明點解示威0個班人要跳落海，我都知你0地好慘，不過咁凍跳海即係玩死自己者，見到覺得心"up"、無奈、都有d好笑。WTO快D完啦，雖然讀書0個陣我0既POLITICS都考的唔差，但係其實我都幾政治冷感。全世界勞VS.資之間0既鬥爭，可唔可以唔好淨係要香港人夾0係中間？不過睇報紙好似見到《聖教慾》男主角Gael Garcia Bernal 都 0黎0左示威，全球焦都真係好似0係晒香港，唔怪得睇電視見到記者同示威0既人差唔多咁多啦﹗

寫稿寫到好"YIM"悶0既時候，聽到隔離同事又有新RINGTONE︰"外面的世界很精彩.我出去會不會失敗外面的世界特別慷慨.闖出去我就可以活過來.留在這裡我看不到現在.我要出去尋找我的未來.下定了決心改變日子真難捱.吹熄了蠟燭願望就是離開……"係《如果.愛》插曲，周迅0既外面，一聽到即刻毛管"棟"，突然諗起套戲0既無奈位、悲情位…原來條友未睇套戲，只係覺得首歌好聽同埋10蚊DOWNLOAD價"好抵"所以用佢做RINGTONE，夾夾埋埋，原來已經好多人問過我套戲好唔好睇，個個都驚唔好睇。都唔知點答。最好係夠"真"，男女0既慾斷難斷、痴痴纏纏唔係因為生CANCER、有外遇、朋友蹺牆腳等等等……講麵包VS.愛情0既角力，雖然最後揀0左愛情，不過事實會唔會係當日無麵包所以放棄愛情，今日有麵包所以要埋愛情，即係麵包緊要D？唉﹗

剛剛找0左D卡數及保險費，最灰就係呢D時候，希望快D出BONUS啦﹗

手好凍啊﹗

好耐好耐無真正坐低寫blog喇，2個月，當然有好多好多0野想記低，想將手提入面0既相一鑊過post上blog，因為幾乎每日我都會用手提影低一d我認為唔應該咁易被遺忘0既0野，所以就算hi-tech function我唔識用，手機像數都唔可以太細，現在式0既野靠佢維繫，即將成為過去式0既都係靠佢記低嘛，不過電腦同張memory card都唔爭氣呢，得閒再試﹗再次隨心所慾諗咩寫咩，比起寫稿，呢d時候真係可以用好free 0黎形容。

手好凍啊﹗可能因為0岩0岩病好啦。上星期本來請0左星期三、四2日事假，不過星期一開始聲沙，都知有d事0架喇，星期三0黎料，結果事假變病假，抖抖抖……訓人都呆晒。與此同時，橫店0係屋企都冇咩做，展開恨0左好耐0既執房計劃，我d 0野原來真係多得好離譜，我都知好多0野應該掉，但係唔捨得嘛，當你好耐都未執過屋，執屋其實係一件好煩0既事，不過當你一路執一路睇番過去0既……都開心、好令人回味。星期五都仲係唔多ok，請埋病假，結果抖足5日，明知返到去實多0野做爆，又有同事請0左假呢，無計，星期一至算。精神總算抖擻，不過手仲係好凍，我以前隻手成日都好熱好熱0架，無論冬天夏天都係，所以夏天我自己都好唔鍾意掂到自己。聽日又話開始凍喇，唉﹗

又有同事走喇，一個下星期五last day，另一個0係我上星期五放假0既時候走0左喇。一個感觸當然有，又要同人say goodbye，感覺不好受。一個大我2年，另一個細我3年，細我3年0個個以前同我都算幾friend，後0黎淡0左，係唔知點解r晒頭地突然0野都冇乜機會講0個隻。大我2年0個不嬲係我0係公司0既陪飯陪捱夜陪宵夜partner，感情自然深厚。雖然曾經質疑過彼此是否真係咁close，當別離0既日子愈來愈近，不其然發覺原來大家都好珍惜。熟0既同事，應該係話可以一齊去toilet、借m巾0既女同事一個一個唔再0係9樓出現，以後一家會更悶更灰，收音機同ipod再度變得重要，不過唔會因為咁而拎0野返屋企做，公司至係做0野0既地方。可惜家陣公司愈來愈多"風化案"，男歡女愛呢d 0野本來何其正常，但係"easy come，easy go"係永恆定律咁滯。唔多管其他人0既事，只係希望唔好出現太多令我失望0既人。膚淺0既人和事日日有，最緊要唔好俾人見到你將來個後悔樣，god bless all of u﹗無錯，公司係做0野0既地方，我只要努力做我0既0野就算喇，不過呢種努力0既動力仲可以持續幾耐呢？

0係乏得滯0既情況下，尋日去左睇《如果.愛》。聽到有人覺殊覺殊訓0左，但係我唔覺得套戲悶喎。香港有呢種type0既戲，其實都幾fresh，你可以話佢戲情唔緊湊、唔迂迴，不過如果d人睇《再說一次我愛你》都可以喊到變豬頭0既，我覺得「歌舞片」《如果.愛》至係催淚片。金城武同周迅0個種等0左好耐0既眼神真偽好勁。不過，真係可以咁愛咩？可能0個位人兄就係已經唔信有咁0既愛，所以訓0左啦，希望佢唔係同女朋友睇啦，否則之後應該被對方狂丙。

順帶一提，Juno隻新碟都真係唔差喎，樣唔好，都唔一定無運行0既，不過，佢有錢，又唔同講法，唉。仲有啊，世貿搞到人人自危好煩，其實我都d驚，因為我平日就係0係0個d所謂最高危點做0野，睇下今個星期可唔可以避下唔去PP等地先，唔想杞人憂天，只係，唔想做D會令自己後悔0既事，不過真係無得驚咁多。

仲有好多0野想講，不過都係唔喇，怕寫得太長第 日連自己都唔想睇，而且，要為明天排山倒海0既工作準備。早抖﹗

回來了﹗

而家係朝早6:00左右，仲未訓，我都覺得自己好crazy。有千言萬語想起錄，但係咁0既timing，都係下次啦﹗最想講係我又可以再次霸佔呢部電腦，唔會再2個月寫1次blog，就算冇人想知我0既0野，我都好想記低我0既日子係點過。早抖﹗^^