e-mail "依妹兒"

朋友、同事話我個e-mail account有成800幾個mail好癲，其實唔止，因為我有4個account，起碼有2,000個活e-mail，無辦法，可能因為我自細已經係儲物狂，乜都唔捨得扔，估唔到大個0左連e-mail都唔捨得扔，嘻﹗當中好多都係關於公事，對於朋友send來的forward e-mail，實在唔太多時間去"lun"，有時讀漏了，之後再收到同一個e-mail但自己唔知已經係好耐世紀前0既產物，懶勁咁同人分享即被取笑out爆。今日0係公司等稿無咁busy，進行清洗e-mail行動，讀0左一個可以話係老生常談0既愛情故事，故仔埋尾幾句依然係中point位，esp.最後2句︰快樂的人不一定要最好的．快樂的人是把他所有的都看成最好的．
星期一0個朝9點開工，第二朝6點幾至走人，連環工作21小時真係人都癲，唉﹗最服自己捱得0下，其實係唔係唔值得講出0黎呢，辛苦命矣~幾時有轉機？
今日睇0左最新一期《便利》0既倪震專欄，老實講，自從佢重返電台做「變種性熱線」，對佢印象差0左，一味聽住一個"潑佬"狂問"咁你同佢做0左愛未啊？"、"佢既然都唔想再同你搞0野，快d離開佢啦﹗"……只寄望佢0既才華仍活0係文字中。文題係《我C故我在》，重點係講邵美琪唔需要靠豐胸晒身材0黎重拾自信，列0左大堆證據，說盡邵美琪有幾癩，健康快樂最可靠咁話﹗一位文字強勁同事(我覺得佢寫d 0野好掂0架﹗)話覺得倪寫得好好，斗膽說，我覺得一般，邵美琪的例子其實明眼人中早看穿啦，邊個唔知健康快樂最重要，但係活在呢個以貌取人0既社會，快樂基本上直接、間接0黎自outlook，一直覺得maggie索過gigi好多0架，但係邊個唔鍾意嫩口？就算當時人真係非因老嫩問題而折腰，係因為頂唔順佢0既神經質，如果maggie當年被飛時狀態好似而家咁勇，起碼好快會因為outlook而仲吸引到以貌取人0個班男人，不致殘上加殘，亦起碼唔使扮埋d阿媽、老藕角色令自己潛移默化以為自己魅力不再。
今日長0左d，自己都好似唔多想睇添，嘻﹗

悲涼

點解要開blog？講過好多次，想人知我未死，0係百忙之中都知小小我0既近況，唔期望好多人睇到，亦唔希望好多人睇到。有諗過有條理咁寫好自己個blog，不過都係隨心所欲的好，平日已經成日要用腦策劃點去動筆，做自己0既0野，唔使啦﹗
近日遇上幾多唔順利0既事、見到幾多荒謬0既人同事、加上陰沈沈0既天氣，格外悲涼。無可否認咁0既感覺係源自自己悲觀兼憤世嫉俗0既性格，唔想咁，不過避不了。有D人真係好麻煩，激氣﹗
問同事借0左本《電車男》睇，係簡髒版，本來係借繁體版，不過佢唔記得0左，算啦，我都識簡體字，不過有D字就真係譯得幾衰，幾好笑。未睇晒，唔似得以前成日睇書，所以睇書速度慢0左。睇0下呢類輕鬆小品都好0既,人都relax d，話就話係真人真事改篇，不過唔多似，太戲劇性喇﹗小說，都係用0黎填補現實世界0既不足0者……

人夾人緣

人夾人緣……到底點至夾到呢？
發覺自己成日好似唔係好識同女上司溝通咁，點解會咁呢？
犯錯點解唔可以解釋，點解要將解釋當做死撐、死拗？其實都幾唔訓氣，我尊重上司、亦為公司拚博，何以到頭來總係被定義為反叛、理虧一族？唉﹗可能真係要好好鍛鍊一下social skills。努力﹗唔可以咁易放棄0既﹗
星期日終於睇0左Mr & Mrs Smith喇，因為剪頭髮遲0左成2個字入場，唔高興，最怕睇唔到開頭。都幾ok啦，起碼無悶場， 老實講Angelina Jolie0係套戲入面真係幾索，雖然我平日好憎佢個巨咀。唔怪得搞到Brad Pitt都婚變，不過我覺得Jennifer靚d、甜d，可惜，男人都係鍾意激情野性d0既雌性，無辦法……

唔清醒

今個星期老竇入0左醫院，人老0左果真百毒易侵，聽日出院，好彩，父親節唔使0係醫院過。
呢個星期差不多每日都落雨、無陽光，最唔鍾意咁樣，人易懶、亦難有朝氣，麻煩﹗
唔掂，聽日一定要去剪頭髮，好耐無搞過個頭，淩亂但不美，好大鑊﹗
唔知寫乜，因為0岩0岩起身，個人好唔清醒……

距離

今日好反覆，
落大雨，唔係，係落狗屎，由海港城過對面新港，已足以令半條褲濕晒，又因為怕跣低而要就住就住行，好麻煩﹗
之後同事請食tea，開心番，都唔係啊，因為我9月15日入職，要9月前返工至分到全數bonus(係啊，6月至出﹗)，我得1半咋﹗
返到公司被插，因為車費用得太勁，又好似係0既，以後要小心d，嗚嗚……
唔理咁多，一於傾完即閃啊﹗見到好耐無見的好朋友，開心，好朋友的確係心照0既，因為唔使成日見住，你都會覺得好close。晚間聚會聽到0既sharing、連帶夜晚收到0既電話……赫然感慨，人要變起0黎，真係防不了，無論你幾花心思去栽培愛情、友情，even任何一種感情，海誓山盟又點，一變起上0黎，遺留落0黎只有距離。會唔會預先保持距離好d呢？

全世界失眠

早幾日唔知點解經常失眠，有時就勁發夢，搞到好似成日唔夠訓咁。十幾歲0個陣，有一排差不多日日失眠咁滯，好辛苦，所以我好憎失眠，但係我好鍾意聽Eason好耐之前0個首《全世界失眠》，都可以咁諗，全世界失眠，即係唔係只有自己孤獨啦，都好。最近范瑋琪出新碟都翻唱0左呢首歌，都係咁好聽，係一首可以鍾意一世0既歌。

想起我不完美　
你會不會
逃離我生命的範圍
想著你的滋味　
我會不會
把這個枕頭　變得甜美
想起白天的約會　
忘了晚上的咖啡　
只怕感情如潮水　
遠離我夢中的堡壘
一個人失眠　
全世界失眠　
無辜的街燈　
守候明天　
幸福的失眠　
只是因為害怕閉上眼　
如何想你想到六點
如何愛你愛到終點……

有晚發夢，夢見3個月前去過0既上海，唔知係唔係人太累，所以對當時悠閒0既生活極度依戀，搞到發夢都見到。今日早0左放工，一於搵番d相出0黎睇，0個幾日原來真係好舒服。

9 

8 

7 

6 

5 

4 

3 

2 

1 

你好……狗﹗

呢隻「狗偶」(唔知點叫，總之笠得隻手入去，可以控制佢body郁動0個d啦)係早幾個星期0係Sogo買0既，得意到痺﹗不嬲都好冧呢隻「吉狗」，所以見到杜田聯婚結婚相有佢份，即刻覺得杜田2條友cute0左，不過唔襯佢0地囉﹗順便睇埋，「吉狗」後面係我張書檯，亂到爆炸﹗

尋日係我老細生日、聽日係家姐個仔生日、後日就係好朋友生日，乜咁鬼多人係雙子座。不過，總覺得雙子座好多都係好人。好難得今日正日做節，而家0係屋企等緊食，好無聊，不過呢2日都要做公司0野，怪自己尋日唔多尊日啦，唔知點解，尋晚心不在焉，總係寫唔出0野咁。

今日睇報紙，王莞之隻碟攞0左HMV3星期NO.1，幾勁﹗實情隻碟一出我已經買0左，因為超鍾意聽《我真的愛傷了》。講真佢個樣唔掂，連普遍都可能稱不上，但又真係幾有料。最欣賞呢D人，證明樣靚唔代表一切。

情慾~~~啊﹗

總覺人大個0左，好多時都受「孩提時代後遺症」影響，好多0野細個無乜機會得到、體驗，大個就一定唔知點解都要死追呢樣0野。正如我唔鍾意Barbie 0架，但因為細個時無得玩，大個0左好恨要。細個時有好多0野儲唔到、無乜錢買，而家我都會追番，所以屋企d無謂0野超多。又正如細個無乜機會睇戲，大個0左真係乜係都睇得一餐，唔係懶勁、亦唔係話好識藝術0野，不過，有得睇戲就好開心……

早排有同事講起想睇《情慾九歌》，我至醒起有睇過呢套戲0既影評，藝術+情慾，有d興趣喎﹗早幾日叫朋友send左俾我，一直無時間睇，今晚算早收工，心血來潮，睇0左。片長1個鐘左右，好短？又唔係，當成套戲都係床戲，除非你對情慾戲需求好大，否則，1個鐘夠喇﹗其實，好難講好唔好睇，因為我覺得佢同《日落巴黎》、《情留半天》方向幾一致，都係小事化大式言情，係會睇到好有feel，不過太漫長，細膩到好似做0左主角條蟲咁，有d 0野唔使太白。而且，都唔係真係咁想睇佢0地激戰連場，係唔係有需要打真軍呢？睇睇下，我都唔知自己睇緊劇情片還是四仔。

點搞？

難得尋日搞掂晒所有0野，今日開始可以輕鬆地預備下期，算係心情大好。
頭先睇《飲食男女》，介紹維也納，又係靚得好離譜，而且真係好唔明點解d西人可以咁"他條"，唔係成堆攤晒0係草地上晒太陽，就係湧晒去MQ廣場上面d石屎沙發聚眾，真寫意，羨慕死﹗
今日收到ex-同事電話，好耐無傾過計了，好彩，感覺依然良好。都係0個句，曾經對我好的人，我一世都會銘記。原來咁就走0左大半年，廢話一句，時間真係過得好快，點搞？

殺死99隻貓的少女

《殺死99隻貓的少女》簡介︰
作姦犯科就好比演奏鋼琴，想要達到某種出神入化的境界就要趁早開始...一個未滿十歲，便以各種手段殺死99隻貓的女孩、一個決定將權力交給暗殺他的人繼承的獨裁市長，交織出99個計荒誕又殘酷的極短篇。藤森是道地的東京人，原書卻以法文寫就，豐富的語彙與想像力構築出風格強烈、隱喻深遠的黑色驚悚小說。曾獲法國年度最佳新銳小說之一。

前幾日聽收音機介紹0左呢本《殺死99隻貓的少女》﹐即刻好想買0黎睇，係好似好殘忍，殺死貓，仲要係99隻咁多……絕對欣賞作者0既想像力，不過，想像力可以殘暴成咁，但願佢只係意識上0既暴力啦﹗
發覺自己好耐無行書店喇，希望過幾日有空去走轉。

STAND BY

唉﹗按錯制，搞到之前篇0野無0左，激死，又要再寫過，短d啦﹗
0係《Jet》睇見New Zealand 0既介紹，好靚、好吸引，雖然只係短短幾pages，但足以睇到我流晒口水。世上世外桃源多的是，點解香港唔係呢？好想去旅行，仲有好多地方未去過、未讚過、未影過……不過，我都要食飯0既，何來時間、金錢出去走走，所以我要努力工作啊﹗好羨慕某朋友可以拋低香港一切，走去西藏一轉，仲要好似係單拖去住個幾2個月，真勇敢﹗基於佢一直潛藏0既佛性，真係唔知佢會唁會已經出家，法號係……
同事約今日大堆人去睇波，捧「迪比細路」場喎，唔睇喇，咁熱，我又唔多識睇，俾我箋浪費。出奇地原來我家姐個仔有去睇，唁止係免費，有靚位坐，仲握到手添，家下d球迷細路真幸福﹗
尋日都係通頂，今朝同Maggie、Kenneth飲完茶，就呆下呆下地搭車途中，收到好朋友的sms，原來驗到佢媽咪有肺癆，真唔開心。佢平日屋企已經多麻煩0野，如今再整多單咁0既bad news，我知佢一定好難受，不過我信佢撐得住0既，堅強係你最強之處，有咩隨時call我，stand by﹗
有朋友問點解唔張揚開0左個blog，咁又唔係咩緊要0野，睇到咪睇囉﹗係想知我近況就會update我info.啦，咁咪會知我有個blog囉，唔係secret0黎0架﹗
要寫交通form，好討厭……
放假，休息多d啦﹗

時間觀念

真開心，又到星期五，即係好快又放假，yeahhhh﹗
呢兩日心情都ok，都係忙，但未至於忙到想死、飯都無得食0個種，有時仲有機會同同事食lunch添﹗
有時發覺，真係好想停落0黎，俾d時間自己諗0下0野，組織0下思緒……不過，好似好難咁，可能係自己算時間算得太盡，呢d都算時間觀念有問題0既……