日復日

又到星期二朝早，但係我仲未訓尋晚0既覺，日復日係咁，我真係估唔到往後可以點……不過依家暫時都唔會有變動住，現實終究是現實，要賺錢，要生活，好羨慕可以完全抽離現實，追求夢想0個班人，因為我有排都未做到。
星期日睇0左Star Wars III喇，比上集好睇﹗
sleep 喇﹗

重遊故地

尋日好大雨，一落雨心情就唔多好喇﹗最古怪係機緣巧合下，我返左大半年無踏足過0既舊公司一趟。
有袋貨本來夜晚急用，點知d sales搞錯0左，俾錯便利個傳遞，就係咁，我就返0左去將軍澳，最難得係我仲記得點教的士司機0係工業村游走﹗我無證，無得直入去，由入口行到去蘋果大樓，已足以令我半身盡濕，灰啊﹗估唔到，由停車場的護衛、reception的護衛，到傳遞的Judy及阿姐……都認得我，可能因為，以前我永遠係勁夜走又勁多0野麻煩傳遞0既一個，個樣又成個童工咁呢﹗之後再見到全體photographer咁滯，可惜無時間詳談，一樣的nice，真好﹗感覺好親切，當然，因為見唔到我最憎0個個人。
竟然等到8點袋0野至返到0黎，太夜喇，都唔想影相喇，改0左星期一朝早9:00，又係好大鑊。
上星期的確懶了一點，要振作喇﹗

好多0野未做

今日俾自己無咁忙，結果真係開心好多，不過無咩貢獻，又唔係咁安落。慣0左「早」返屋企都要上下網update 0下身邊事，又係夜訓……無計，慣0左﹗
等咁耐都唔覆我，心淡。
好多之前買落0既書都未睇，唔知幾時至清到。
唉﹗好多0野未做……

歇一歇

終於完成今期工作，又了結0左0個件心事，要抖﹗
今日ex同事阿琴返0黎食飯，閒話家常，但開心，亦好多謝佢咁有心，雖然只係一個站，點都係要特登過0黎，辛苦晒﹗希望佢第日同新同事熟0左都會過0黎啦，當然過去搵佢都得。之後又一女同事要走，雖亦未至深交，但0係公司算好friend 0架，不捨……
有朋友的blog好長好長，內容係好豐富，不過好似寫稿咁，辛苦0左少少﹗都好，可以對佢0地有更deep了解。
早幾日同一個因公事而認識0既朋友傾計，佢0既disney婚禮好似即將實現，如果真係請我，都唔知著咩衫去至好。其實好羨慕呢種人，你會以為佢認0既0野好夢幻、好似好唔實際，連結婚都要0係disney搞，幾咁cartoon.......但係如果佢唔係咁投入，又點會活得咁開心，又點會將呢盤同夢想掛勾0既生意搞到咁好。當夢想同現實接近，幾咁美好﹗

5/22
Posted by Hello

決定

呢幾日0既忐忑終於有了了斷，始終唔成熟，所以諗小小0野都要諗咁耐，唉﹗經一事長一智永遠是對的。終於體驗到自己的存在價值，不過自此工作必定更辛苦，我知我就係0個種要多勞才會多得的人，認命吧﹗
今日睇0左齣免費《抱擁這分鐘》，原來都幾好睇，雖然有0的位刻意得過份、又雖則有0的位漫畫化得過份，but，好難得如此苦情戲，會花好多筆墨去形容兩人由相識到相愛，有幾有緣而又有幾深刻，你要明白佢0地感情有幾深，至會feel到分開有幾苦0架嘛。同《忘了忘不了》一樣講老人痴呆症，我覺得《抱擁這分鐘》好睇d﹗好可惜，我連累大家睇唔開始，好彩見到cinema.com有簡介，睇啦﹗係初初幾分鐘0個段啊︰
時裝設計師淑珍每次到便利店買東西，粗心大意的她總會留下銀包和購買的東西。有天她買了可樂，又是這樣子離開，當她醒覺後返回便利店時，只見一個不修邊幅的男人正慢不經意地喝可樂，淑珍憤怒得一手把可樂搶去，更在對方面前一口氣把可樂喝掉，但原來店員保管了她留下的銀包和可樂，而剛才那個男人已不見了。

差

今日心情好差，唉﹗我唔怕俾人鬧，但係唔好抹煞我0既努力與知識，而且點解唔俾反應我。唉﹗

忐忑

呢幾個鐘心情好忐忑，要抉擇的時候真係令人好迷惘……

朱古力萬歲

尋日係大佬生日，送0左個PSP套俾佢，好彩佢鍾意，SUNBRELLA四百幾，抵啦，唔通買PORTER0個個咁貴咩﹗今日十二點幾收工，算早喇，返到屋企總係唔捨得咁早目訓，其實我鍾意做豬，不過人生苦短，我怕將來諗番起，我會後悔自己目訓得太多……
我知自己肥0都0都，重好似愈來愈大鑊咁。不過我真係好難放棄朱古力。好多朋友鍾意食糖，我就覺得朱古力正好多，越淳越濃越好味。可能生活實在太苦喇…加糖太乏，不如加朱古力。好想試同事剛介紹過的GODIVA朱古力DRINKS，係好HEAVY，但係應該會好好味，一杯咁多啦﹗
容Joey好似有首歌叫朱古力萬歲，唔太鍾意，不過歌名好正，係啊，朱古力萬歲啊﹗

好耐無見﹗

尋晚舊同事生日，大半年無出現過佢0地0既聚會，難得唔係我實唔得0既星期五晚，點都要撐撐。去到極之混亂啦，二三十人坐張長檯，迫到爆，唔識0既都要貼到坐大髀咁滯，我唔係嫌棄，係覺得如果舒適d感覺更好0者。唯有當close d囉﹗大家無乜點變，係話題少左囉，0個度又嘈，都傾唔到計，無所謂啦，見大家依舊識講笑，又無穿無爛已經夠喇﹗其實佢0地以前對我都算幾好0架，所以我唔會忘記。結果早閃，去茶餐廳坐陣(其實當時飲左幾杯，都唔太食得落0野)，好離奇地見到沈嘉偉兄弟、蔡一智…重有2個以前工作上遇過0既被最笑騎呢一族，一坐就係3、4粒鐘，但係都唔覺眼訓，工作後遺症啊﹗
前日黑色星期五零晨，發生離奇失稿事件，好灰好灰啊﹗

RELAX

估唔到咁快叫我傾多次，其實都好口既，證明我都真係有存在價值，不過唔急，仲有時間諗，我真係要好好諗清楚。
今日係無咁緊張口既一日，工作之餘仲可以同事食口左個下午茶，其實咁樣忙裡偷閒relax口下，都幾係可以增加我口既鬧志，希望呢幾日工作可以分佈得平均口的啦﹗
我真係好幸運，有咁多錫我口既前輩，多謝﹗我唔會令你口地失望口既。至於口個口的對我唔好口既，我信因果報應。
竹內結子竟然真係同中村獅童結婚，好癲啊……

-摸摸

今日難得可以早放工，其實都十點幾至走，之後去做一件拖口左好耐口既事，其實我都無乜準備，都係等下先啦，唔知結果會點，試口左先啦﹗
唔知係咪自己個樣生得太細個，成日俾人當妹妹不特止，有個新同事之前已經無啦啦走埋口黎摸我個頭(女仔口黎口架)，話我好得意，想摸我好耐，極盡古怪啊﹗估唔到今日再次同我講忍口左好耐，真係好想摸我，超癲，完全唔明白點解要摸摸，話晒我係佢前輩啊﹗
尋日係阿琴last day，望住佢走真係好唔捨得，我好怕別離口架，特別係當口個個人你認為難得遇上……唉，口黎緊工作可能更辛苦、亦可能無咁多團體宵夜活動了。

阿琴別戀

唉，又到星期日半夜，應該係星期一至0岩，星期六、日過得太快，又要等五日……
尋晚同屋企人食飯慶祝母親節大佬生日+老竇農歷生日，好耐無試過一家人出去食飯。之後就同公司同事FAREWELL，老銅加州紅啦，例牌唔多覺似FAREWELL，似久罕逢甘露式齊人集體聯誼啦，最有FAREWELL FEEL係臨尾同瑪姬合唱0左首捨不得你，係好鬼老套0架，不過有HEART D嘛﹗講真，我都真係唔捨得佢0既，雖然認識時間不長、亦未至深交友好，但係工作認真、人品好、肯幫人、又玩得……最緊要係你認為佢真心對自己好，咁0既同事有幾多個？希望佢日後有更好0既發展，唔好再好似以前咁做得咁辛苦，可以將長處盡發揮啦，加油﹗
終於行0左APM，比想像中差小小，不過想10點後行0下商場、要求又唔太高0既，都可以行0下0既﹗

交通form

月頭最令人頭痕就係填交通form，今日填左成兩個幾鐘至搞掂，超浪費，不過唔填又唔得啊，咁大舊錢。
自從成日俾朋友鬧，好耐無俾過錢俾乞兒喇，今日見買完野飲找左d散銀，想放低2蚊啦，點知一時錯手放左十幾蚊，少少後悔，但係無理由攞番啦﹗其實唔想計較，但係俾十幾蚊一個乞兒真係多左d……
今日和前輩通電話，傾0既係簡單不過0既事，但感覺良好，因為我知佢時刻都support緊我，又會時不時打0黎問候我，雖然我地識左咁耐都未見過面……最surprise 0既係佢推介我睇《早熟》，唔好玩啦，祖名我唔好架……

八婆

今日心情差，最灰係見到我一個我到依家都仲憎緊0既人，心情忐忑之極…呢方面我好唔成熟，因為我到而家都忘記唔到佢對我有幾『好』，特別係臨尾屈我0個獲，係好小事，就係咁小事至突顯到佢手段有幾勁，我都無得罪過你，只係唔肯擦你鞋、唔識讚你潮0者，你咁就要毀我人格？毀人人格的人最無人格。不過我都唔忘本0既，係佢俾機會我先，呢一點我仍感謝佢，所以當全城人咀咒緊佢個baby0既時候，我無加把口，算好俾面喇，八婆﹗
我唔希望下次再俾呢d人牽動到我0既情緒，我要努力﹗
sorry，激動了點﹗

SONG

又一個通宵過後0既朝早，好明顯我已經唔係一個正常人，人0地醒我就訓……可能都係自己責任，不過我只係想星期六日可以抖0下0者……
朋友M話辭工後大堆INTERVIEW機會湧埋身，見工見到驚，其實搵工唔係真係好難，不過要搵份鍾意0既，談何容易？加油啦﹗
一套戲、電視劇好唔好睇，對我0黎講MUSIC角色好重要，我會因為首歌好聽、有MEANING而更投入，遠至PRETTY WOMEN0既IT MUST HAVE BEEN LOVE 、初吻0既REALITY、時光倒流70年0既SOMEWHERE IN TIME、101次求婚0既SAY YES、野蠻師姐0既TEARS、CLOSER0既THE BLOWER'S DAUGHTER、ORANGE DAYS0既SIGN，到最近藉著雨點說愛你0既HANA………都係心水永恆好戲好歌孖住上之選。
想講原本已經幾鍾意藉著雨點說愛你0既HANA，唔好成日都係超慢苦歌配苦片嘛﹗我知好多人都LIKE，起碼OFFICE有幾個人撞緊呢隻RING TONE，睇過朋友SEND來0既TRANSLATE版中文歌詞後更TOUCHING，唉﹗原來HANA，花就係咁解﹗

有如花瓣散盡的時候如作夢一般 與你相遇的奇蹟彼此相愛 有時爭吵兩人一起克服了 無數的障礙就算轉世再生 也要在妳身旁 化作一朵花是否會一直存在著 在我頭頂上的太陽是否能一直守護著 無論是哭 是笑 是生氣的妳的表情假如有天全部不存在時 我會更加感謝我倆的相遇那一天 那個時候 在那個地方發生的奇蹟會產生 一個新的軌跡吧因為愛而變得更堅強 因為信任而得以克服妳所留下的東西如今依然 妳瞧不失光彩地在我心裡這就是幸福 得以遇見妳 能夠讓我重拾笑顏"謝謝妳"懷著滿溢的心情 繼續前行……