感覺良好

一口氣追左幾套電影劇, 今晚好唔想諗野~
到底係寂寞定係寧靜？我唔知~
不過感覺良好。
早抖。

How are u?

呢3個月不停飛, 為工作, 為自己。雖然我都幾enjoy唔0係香港0既感覺, 但飛來飛去, 感覺好奇怪。麻煩事太多, 不能盡錄, 最近生活得有點迷惘, 希望快點雨過天晴。其實整體來說, 我還好啦, 你呢？

2010可以更好嗎？

2010年了, 仲未開始寫過blog。
因為值得記下的事不多, 暫時可以話係幾唔如意。
我最擅長自我安慰, 但安慰到一個地步, 無話可說, 好難睇得開。
我通常會嘗試用最好的角度去睇每件事, 不過有時唔認同就係唔認同,
覺得唔公平就係唔公平。近幾日心情唔太好, 奇怪係成日都好眼訓, 不過訓多d, 感覺好d。
15/1出席朋友母親的喪禮, 見佢仲識講笑, 我都放心d。
人, 真係要好好珍惜眼前人, 無論係親人, 愛人, 朋友, 同事……
仲未做完野, 而家又要寫稿, 真係無心機寫, haha! 自己0係度浪費時間, 加油先!

節哀順變

今日收到友人的短訊, 告知另一友人既媽媽離開左, so sad, 真的好sad。
雖然我唔識佢媽媽, 但知道佢熬左好耐、好辛苦, 希望佢會向好0個方面諗, 既然媽媽辛苦,
可能而家係一種解脫。頭先睇半夜《法證先鋒》時, 有句說話好0岩，唔係100%記得, 但類似係「唔應該為失去而悲傷, 應該為曾經擁有而高興」,希望當時人可以頂得住。
早前有同事既婆婆都離開左, 人, 真係好化學, 我一早都知, 好細個都已經迫自己記住要珍惜眼前人, 但人總係好犯賤, 愈想珍惜, 愈唔識珍惜。心情壞之中帶點平靜, 因為今日無上星期咁忙, 同埋溫馨的聖誕節又黎喇~
眼訓, 都係去訓。

suddenly

短短的一日, 突然多左好多野諗。
突如其來的結果，講真我唔太驚, 不過覺得好麻煩,
要好好plan下, 應該幾時處理、如果處理，成個月, 嘩~
延續星期二的發燒、星期三至四的呆+無精神, 星期五失埋聲,
又黎男人聲~~~
今日在診所離開日時, 見到有個阿婆迷路喇,
被大廈看更安排0係lobby等下,一句︰「阿婆你0係度住下先,唔好周圍走,
睇下你屋企人黎唔黎搵番你啦……」呢個做法應該算 正確0既,
咁, 如果屋企人唔黎搵呢？0個刻有種好心"up"0既感覺。
回家了~hea下先。

感受

感受良多嘅一日, 不過搞lee搞lo, 唔夠時間寫低。
畢業20/11-23/11之旅太匆忙, 返黎亦刻不容緩地狂工作,
今個星期好dd, 不過返到屋企總係左做d右做d就深夜了。
出黎做野之後, 甚少追看左本地電視劇, 難得追左超過80%嘅《宮心計》,
終於0係早幾日嘅星期日大結局一竟然有d失落。
訓喇, good night!

就快放假~

其實都好"早"喇~不過因為睇戲睇到晏左, 總想hea陣先訓。雖然我好眼訓, 因為屋企樓下裝修, 係, 又鑽喇, 今朝係0係又sleep又醒0既情況下休息, 即係唔太休到息。

睇左《2012》,講真有d位真係幾誇張, 不過我都明白我係睇緊戲, 無辦法啦, 但好睇過《明日之後》囉我覺得。有同事好認為世界末日係2012年0既事, 我就覺得應該係幾十年後0既事, 可能到我5,6十歲0個陣啦, 呢個亦係其中一個我唔想生仔0既原因, 呢個世界愈來愈差, 生佢, 可能即係害左佢。

我下星期放幾日假喇~因為好友要清假, 終於下決心互相遷就, 發動歷史性的小學秋季大旅行, 原本只打算chi星期六日放兩、三日假, 不過因為上個月老細放假時太太太辛苦, 我決定俾自己休息多幾日, 對上一次放大假係7月, 好似近近地, 不過我又唔係放好多日, 唔算過份啦, 人黎架嘛~當然要休息啦。短短4日去晒上海、蘇州、杭州，好似都幾趕, 有fd放唔到多日, 無辦法啦, 我都幾鍾意上海, 今次經一經過都好, 蘇州、杭州0既風景應該幾靚掛, 好想relax下, 睇下靚景，希望一切順利啦。返黎香港第2日仲要參加公司十週年晚會, 為左抽獎, 一定要去, haha! 老實講我覺得自己唔算好貪心0既人, 不過唔憤氣lor，做左幾年一次獎都抽唔到~唔憤氣唔憤氣唔憤氣!我要中獎啊今次!
早前有好友自己去左台灣旅行, 真有型, 仲send左張明信片俾我, 一d都唔老土, 好sweet, 好warm, thanks alot! 自己去旅行, 其實都幾好, 有更多時間、空間去體驗, 不過有時我都會怕寂寞。

終於請到人喇, 同事間又有喜訊, 我都戥大家開心, 點解我未有呢？失望有dd啦, 不過可能一早唔抱太大期望, 又唔會太upset, 希望快d加人工啦, 小小都好啦。有時真係覺得, 返工有太多野兼顧好煩, 自己0既工作, 所謂下屬0既工作, 仲有同事間相處技巧、仲有超on9的account policies……好麻煩, EQ再高，都有太多野要應付。雖然我而家亦成日安慰自己, 老細已經比以前好一千培, 工作亦無咁多……不過有時諗, 就算老細好左好多, 我同佢依然好似唔識咁, 極大隔閡, 好多野都要收風收番黎先知, 真係無咩歸屬感。加上公司愈來愈假仁假義0既人, 就算呢幾年學識左好假咁面對工作上遇到0既人, 但係對於一d欺善怕惡、只睇著數0既同公司的人, 見親就好想打鑊佢。有人話過, 可能因為我唔識收買人心, 唔識同有用0既人扮fd, 所以有d人會當我無到。挑, 我做咩要討好你, 做咩要收買你？不知所謂, 我唔鍾意就係唔鍾意你, 對住呢d人, 我都懶得假。呻下0者, 打份工0者, 我都唔想麻煩。

就快又到聖誕, 我鍾意聖誕,節架, 總覺得好warm, 不過又好怕聖誕節周圍都係人, 又係時候plan下聖誕做咩好, 不過都唔知邊日有假放, 到時先算啦。
Oh~去sleep~早抖!

獨立

首先想恭喜好友Jimmy生左個仔~你話時間過得幾咁快, 識佢0既時候剛大學畢業, 佢就係口多多「花0靚」, 上年結婚今年做埋老竇, 咁我就28歲, 間唔中都俾人叫中女, 是但啦, 我唔會驚架, 中女咪中女囉。
出黎工作之後, 慣左一個人做野、以前唔鍾意一個人食飯0既我, 漸漸慣晒, 一個人食飯、一個人行街、一個人出trip……不過未試過一個人睇戲, 今日因為一d好無聊0既原因, 終於嘗試第一次自己入戲院, 原來感覺都唔係咁孤單0既, 下次可以再試試, 如果屋企樓下有戲院就好喇。今個星期想睇《心跳500天》同埋《生命最後一個月的花嫁》，先苦後甜，揀左《花嫁》黎睇先，我不嬲ok瑛太, 雖然劇情係陳腔濫調左d, 不過都想睇下。結果, 當然唔會有咩驚喜, 但0係同類型片黎講都唔算差, 唔太夾硬黎, 睇完就係更加覺得, 係啦,做人真係好化學, 要識珍惜……
前日同久未合作0既化妝師做野, 講起近況, 原來佢就黎去英國讀書。當年一入行, 就係part佢, 佢同我同年, 但比我早出黎做左, 打滾左9年, 儲左舊錢, 本枇買樓,但市道一般. 又未想結婚, 如果把心一橫拎d錢去讀書。投資0係自己身上, 當然係一件好事, 亦係我一直0既夢想，不過而家仲有好多顧慮呢。其實幫屋企供完層樓, 已經輕鬆左, 不過結合多種因素, 就係有未能抽身之感, 唉, 過多陣, 再開始試下搵工, 呢行未必有容得下我0既地方, 靠自己努力諗下仲有咩好做啦。或者有一日, 我都可以放下顧慮, 獨自去外國生活一下。當年屋企人唔供我去外國讀書, 如果自己可以供自己, 仲有型啦。
睇多陣tv relax下先~yeah!

悶日

終於填晒交通費, 竟然30/9就要交, 仲要有諸多規舉, shit, 好麻煩, 討厭所有因為事不關己, 而限制人地通宵工作後唔可以搭的士0既, 唔通我留0係公司到天光係玩咩？唔通特登留0係公司等搭的士咩？目的都係為做野0者，點解要搞到我？麻煩。
今日發生好多瑣事, 天陰, 微雨, 心情唔多好, 同意今日某facebook人在What's on your mind?一欄中話唔鍾意雨天, 因為從來未有過係雨天既美好回憶, me too, 即刻俾個like佢。雨天, 真係會令人心情特別差。
覺得最搞笑、但又最嬲、感到最無辜0既係 “有眼無珠”, 望望附圖三個sms(實在值得記下)
成件事係好無聊的, 事緣又有同事走, 咁好casual 0者, 一來慣左, 二來呢位清高的同事一直覺得自己好勁, 事實係令人跌眼鏡, 無禮貌程度亦令人咋舌, 平輩同事討厭佢, 算, 我一直都唔想理, 大家打份工0者, 你交到稿就算, 無咩事我亦唔想小人, 結果成日被激親, 不過我深信佢都唔想, 係佢根本唔知自己有咩問題, 其實好可憐, 我忍。 終於走喇, 我都希望好來好去, 大家又無過節, 況且山水有相逢, 世界咁細。今日係佢原來的last day,上星期有人問我︰「你俾咁少野佢做？咁有無叫佢星期五前交晒？你唔驚佢下星期唔返咩？」, 我信佢, 就係信佢唔會咁唔負責任(雖然佢試過唔知幾多次星期一請病假)我話︰「唔會掛, 本來我都諗過佢可能會唔見人, 不過見佢都plan好下星期做咩, 應該會返0既, 所以叫佢last day先交埋d稿。」結果今日下午收到第一個sms, 我心入面當然唔係諗farewell(因為佢係邀請左全位於, 昨日先同自己組員講有單咁0既野), 跟住我sms佢,同你講farewell可以遲d, 但d稿點呢？因為老細會問, 而且我以為佢明天就要返新工, 即時諗d稿可以點, 唔想佢衰俾人睇, 問心, 我未至於唔信佢, 因為有太多手尾未搞, 無理由咁stupid唔返0個幾個鐘架, 所以問佢點囉, 點知佢覆我一個咁串0既sms, “如果你地唔介意我返黎傳播病菌…” 真係好唔開心, 我幾時有叫佢一定要返黎啊？佢只需要答我, 會email稿俾我, 其他form後補就ok~why so inch? 好後悔以往太仁慈, 我都有份縱壞佢。
返工已經夠攰, 仲要同呢d人角力, 真係好費神, 當然, 我一早明白, 為錢打份工的道理, 但總有沮喪0既時候, 好彩, 只要一個人靜下、hea下, 我都好快無事0既。
昨日又切左一個cake, 雖然味道麻麻, 不過都開心, 我鍾意切cake, 感覺好warm。你講得0岩, 當你發現突然肥左好多, 可能因為身體已經唔好, 要轉工喇。都知架, 但係點講呢, 知, 同做唔做到係兩回事, 可能我接觸過都幾多轉工更苦0既例子, 而自己又知而家處境唔太差, 所以就無居安思危, 講都講左好多次, 唉, 再諗諗。 可能有一日, 我真係可以放開一切, 突然0係香港消失, 出去闖下先返, 呢個想法好難實行, 不過我好想實行。
全日都好攰又好煩, 返家後又突然多多樣煩惱, 好大負荷, 不過我ok 0既, 好似而家咁寫下blog relax下, 記得今日有幾灰, 都release到0既。
好早喇, 要sleep喇, 希望星期四及中秋假放得開心啦。^^
Good night!

生日9月 ~字

3/9-8/9出左trip, trip前trip後忙到pk, 返黎無耐趕住做埋手頭上工作慶生日, 十分充實。
多謝所有有心人, even係有或無心的sms/facebook message, really thanks alot!
講過好多次, 人大左, 對生日唔會有太多期望, 開開心心又唔忙就得架喇。
點知, 今年生日,星期一, 請左假, 竟然8號風球, pk「巨爵」, 令我節目大亂, 算啦, 希望唔lucky 0既事已經夠晒、到頂, 好運快d黎啦~btw, 我上幾期中過2注20蚊六合彩,今期又中左20蚊, 應該有好運黎緊喇~yeah!
其實今年生日都算好平淡, 平淡都係好事, 總之見到想見0既人就夠喇, 再見多d就好喇。^^
以前多公司有多d稱得上朋友0既同事, 會一齊慶祝下, 呢幾年都無咩lu, 上年同前年都好似有0既, 不過感覺同以前好唔同, 今年同事話買cake返黎切, 我都唔想佢搞咁多野, 可能叫其他人一齊切, 根本無人想join, haha! 結果同事第2日都係買左個cake賀賀我, 自己組人唔齊, 算啦, 2個人切1個cake, 好sweet啊頂!
今年其中一個生日願望, 真係希望瘦番d, 因為真係肥左好多, 我明知的, 雖然我係肥底, 不過以前係小肥, 而家係好肥, 唔掂啊~唔知由幾時開始, 應該係成日食宵夜0個排, 慘~今日同fd msn時講起,佢先至好唔好意思咁講「你真係肥左好多啊﹗」當然唔會怪佢, 當頭棒喝就真, 真係要好好plan下點搞。人大左, 太肥都唔健康。
原來我係農曆8月17生日,阿媽昆我係8月16日,頂~~~

生日9月 ~照