決定

又有好一段日子無寫blog了，呢幾說話出現過好多次。嘻。今日算是relax的一天，只係有d攰，而家靜靜地寫blog，聽下收音機，都算relax。
早幾日收到朋友的來電，提我4月11日去飲，提我收帖，亦提埋我，原本我係伴娘。
係啊，原本我係佢0既伴娘。一個原本以為只能做同事的人，慢慢變成朋友，甚至係0個種覺得就算少見，都keep到心領0既朋友。上年收到對方0既good news，當時開心，邀做被伴娘時，一方面開心，一方面擔心自己太忙、太肥，但心想仲有成年，可能到她結婚時可減肥成功、甚至唔係做緊呢份工。日子一日一日咁過，繼續忙、繼續肥0既我次次都就唔0岩時間fitting，傾婚事細節，逐漸變成想逃避面對。後來一段日子，準新娘無再催我，我估佢已經搵左另一個人replace我喇，直至前幾日的來電，我知伴娘另有其人了，鬆一口氣，同時亦好唔開心。相信準新娘未必會知我對呢件事耿耿於懷，因為我食言了，成年以來我一樣忙忙忙，忽略了很多人。
可能就係因為呢件事，令我認為plan左好耐0既計劃唔可以再拖，所以剛剛的星期5，我遞左辭職信。未搵工架，因為根本無時間搵。我只想好好休息，繼而好好搵工，轉工又好，轉行又好，總之要改變。因為我唔係想扭升職力薪，我係想stop，所以一方面怕老細唔留，另一方面更怕佢留我。結果一如所料，老細有挽留，俾多兩日我諗諗。條件同我之前諗0既相差不大，不過真正要去決定是，仍然令人好忐忑。我好想有人俾意見我，不過我知點都係靠自己。只係估唔到，會令佢咁唔開心。好多野，我明白0既，付出左，當然希望有回報，特別係當有d一直被認為唔得0既人都可以做到，點解自己唔得，我明白0既。只能講句，呢個世界係唔公平0既。好多野，在心中，希望你明白。
好耐未試過星期日出外工作，好彩只係出去一陣，希望順利。
日子過得真係快，剛剛有好友又生日了，MoMo，Happy Birthday，wish u all the best﹗
我要好好諗下野，訓喇﹗^___^