香港-->意大利-->香港

5月16至20日，我0係意大利。
之前一直無諗過可以出trip去歐洲咁遠，特別係以前無出trip運，係今年唔知點解，一去就去咁多次，是運氣來了嗎？唔知，可出外看看走走係好事，自問見識太少，不過不知不覺又用0左好多錢。其實都冇咩買過貴0野，唔捨得啊﹗^^
旅程Okay，只係落地時間太少，沒太多時間遊歷，不過0你悉心安排下，已經行0左d重點地方，算好好喇﹗回港後，忙碌依然，身邊人、事依然很亂。只好努力。
星期六，放棄《魔盜王》，自把自為地選了《愛情回水》。一套算好笑，亦算發人心醒0既電影。凡事應停一停，諗一諗，我知，一去無回頭，我都知，睇戲get到，唔代表做到。Anyway，令人輕鬆的一百零幾分鐘。
我一早知，呢個blog已經唔安全。開blog原意係想朋友，想關心我0既人知道我近況。當知道有人睇我0既blog，用意係「發掘」我0既「秘密」，甚至可能話俾唔應該睇0既人知，唔開心。算啦，可能要改address了，遲下再算。
再下了重要的決定，人大了，太多忐忑0既時候，唉﹗努力﹗^^

p.s.可以同你睇Sammi演唱會，我都好開心﹗識0左你十幾年，感覺仲係咁好，thanks for ur love，雖然你唔係仔﹗^^