小休

小休2天，加埋星期六、日，共4日冇返工。應做的又做唔晒了，唉，好彩想做的都做0左一大半，正如本想好好0地寫下BLOG，到頭來都係半夜三更至開始寫，快寫。算啦，當俾自己RELAX下，心安理得地睇埋尋晚英格蘭、巴西被淘汰實，諗起4年前0既世界盃，0個段局留0係北京睇國語波0既日子……有灰有唔灰，咁就4年喇﹗

執0野，睇番大堆舊物，回憶係咁標出0黎，開心有，唔開心都有。
轉工前的爛尾眼鏡稿，講真做得唔太好，唔出都係好事。心灰意冷0既時候，乜都做得唔好。
做到PK0既KITEBOARD稿，好辛苦，又唔覺得好成功，以前最慘就係咁，好多0野唔成正比，亦唔會有人欣賞。
以前公司咩都用菲林影咁滯，靚D，又可以留為紀念，3年前第一份稿係做HAIR稿，好難忘，0個陣乜都唔識，而家個膽大0左好多。
年幾前師兄轉工時，送俾我0既禮物，其實係以前做稿剩0既一條"食得0既底褲"……當然冇食，點捨得，而家再同佢同一間公司，都好想送番俾佢。
紙袋都一大堆,都話自己係垃圾婆，唔怪得執極唔完。
執屋至發覺原來扭下扭下有好多扭蛋，幾蚊幾蚊0既殺傷力好勁，其實將玩具同扭蛋分開0左，不過都係唔捨得掉蛋。
今日天氣好好，雲好靚，好少見。夜晚仲有巨型月亮，影唔到。


早幾日終於拎0左過0左期未拎0既身份，同事嚇我話過期又要整過又要罰錢，好彩唔洗。