糧頭
月頭，出糧，入錢俾阿媽，計計，都係好似好難儲錢，已經唔係好買名牌0個種，好想儲多d錢。好記得舊年某個月頭，糧頭日子，有人用驚訝0既聲音同我講︰「你唔係俾錢屋企咁激啊？」你老竇老母養到你咁大，唔捨得俾多，都要俾d錢飲餐茶啊，唔俾錢屋企仲激啦，呢d人咪可以買0野買得好激囉，唔使俾錢屋企舊錢襟洗好多0架，至緊要過到自己0個關囉﹗
呢幾日都無乜落雨，心情都ok 0既，無乜太特別0既事發生，星期一又係例通頂，唔知原來早0左入稿，俾老細話0左幾句，算啦，又唔係未話過，都無乜感覺。 細個無玩過Barbie 0既我，繼早兩年卒之收到人生第1隻Barbie之後，早幾日因工作再接觸呢條女。講真唔算冧呢味0野0架，不過呢幾隻Barbie又幾靚喎，今日至知原來$79.9一隻，都幾抵，我諗我會買，哈哈﹗
假面具，愈看愈清楚，野心，都愈來愈明顯，呢種智慧唔0岩我。唔想時刻處於戒備狀態，唔好惹我，pls﹗
posted by Mei @ 1:41 上午
4 Comments:
本來今日下晝已經想打俾你, 不過就唔方便講, 所以都係無打喇. 哈, 其實無乜野, 只係想講俾你知, 嘩, 點講都係開心事0黎既, 係咪? =p 不過已經知道左話其實係"加辛", 諗住叫我幫手執好dept既行政工作, 而事實上而家哩部份都係我負責既, 但係好多野都無乜條文規定,咁我既工作就係要搞好哩d野, 都有d"kick"手。
有野心既人, 通常都會攻擊番有野心既人, 雖然同時間我地哩d無辜既人都會受害, 總之都係0個句:對得住天地良心都係最緊要既, 就算到最後俾人跣到"攤攤腰"都好, 問自己都仲對得住自己既, 咁就好夠。我之前都俾個野心人夾硬跣左半鑊, 哈, 好在天網恢恢疏而不漏, 到最後都無事, 又或者有事我都由佢, 大概唔理得咁多。
祝好運!
wf(知我係乜水掛?唔想太揚...)
其實我耐不耐都有0黎睇吓你既近況ga~~好老土都要講句，雖然大家唔係好熟，但係我覺得你係個好真嘅人，所以對住d假面具係會辛苦d ga la~~唯有「咋唔知」扮睇唔到啦~
仲有多謝你嘅生日message呀~~
sherise
WF,
恭喜你先，係0架喇，之後可能會有更多0野做，頂住﹗對得住天地良心都係最緊要，係0既。aNYWAY，tTHANKS A lOT﹗
Sherise,
估唔到你都知道呢個無聊blog0既存在，仲要有心機睇，開心。其實我都有睇你個blog0架^^。雖然大家唔係好熟，係0架，講真同你都幾0岩傾，只係當時你坐0係我隔離都無乜機會講0野，可能我事業心重，一坐0係公司就想盡力搞晒所有0野先……
加油啊處女座﹗
發佈留言
<< Home